Bügün Ürümchide Hawa Hujumidin Mudapiye Körüsh Ségnali Chélinidu

Xitay hökümiti, Sabiq Soweyt ittipaqi bilen düshmenliship yürgen mezgilliride yolgha qoyghan hawa hujumidin mudapiye körüsh sestimisini, aridin uzun yillar ötkendin keyin bügün yene qaytidin yolgha qoyushqa bashlidi.

< Tianshan Tori > ning xewer qilishiche, Xitay hökümiti bügün, yeni 9 – ayning 13 – küni, Ürümchi shehrige orunlashturulghan hawa hujumidin mudapiye körüsh sestimiliri üstidin sinaq elip baridiken.

Bügün Beijing waqti sa’et 17.00 de, Ürümchi shehrining herqaysi rayonlirigha orunlashturulghan birqanche yüz hawa hujumidin mudapiye körüsh segnali birla waqitta chélinidiken we ségnal awazi 1 – 2 minut dawam qilidiken.

Sheherlik hökümet, puxralarning qorqup ketmesliki üchün aldin ala teshwiqat élip barghan.
Xewerde körsütülishiche, 9 – ayning 18 – küni beijing waqti 12.00 de yene bir qetim maniwer elip berilidiken web u qetimqi maniwer 19 minut dawam qilidiken.

Gerche Xitay hökümiti Sherqiy Türkistanda hawa hujumidin mudapiye körüsh systimisining eslige keltürülgenlikini, < puxralarning döwlet mudapiyési éghini östürüsh > dep izahlighan bolsimu, emma bezi siyasi küzetküchiler, Amerika bashchiliqidiki Shimali atlantik ehdi teshkilati ( NATO ) qisimlirining Afghanistandiki mewjutluqi we Amerikining ottura asiya jumhuriyetliride tesis qilishqa bashlighan hawa armiyesi bazilirining, Xitayning Sherqiy Türkistanda hawa hujumidin mudapiye körüsh systimilirini eslige keltürüshige sewepchi bolghan asasliq amil dep qarimaqta.

Ürümchidin kelgen beri inkaslardin melum bolushiche, gerche hökümet dayirliri birqanche kündin buyan türlük teshwiqat wastiliri arqiliq, bu qetimqi maniwerning adettiki bir sinaq ikenlikini chüshendürüshke tirishqan bolsimu, emma Ürümchi shehridiki Xitay köchmenliri arisida derijidin tashqiri qorqu we endishe peyda bolushqa bashlighan.
.