Milliy Ustaz Turghun Almasni Xatirileymiz

Uyghur xelqining munewwer oghlani, ataghliq alim, sha’ir, yazghuchi we milliy yetekchi merhum Turghun Almasning wapatining 5 – yilliqini qayghu we söygü ichide xatirileymiz.

Milliy ustaz Turghun Almas, özining barliqini wetinige we xelqighe atighan, ölmes eserliri arqiliq yashlirimizning kelgüsi yolini yorutup bergen, igilmes, sunmas rohi arqiliq xelqimizge yenngi bir ruh ata qilghan qimmetlik alimlirimizning biri idi, yene shundaqla u, ötkür qelimi bilen düshmenge qarshi tinimsiz jeng qilghan batur küreshchimiz idi.

Merhumning wapatining 5 yilliqi munasiwiti bilen, unung ayile – tawabatliridin we sebdashliridin semiymi hal soraymiz, ishnimizki, Uyghur Xelqi milliy ustazimiz Turghun Almasning inqilawi rohini menggü yashnitidu !

Milliy ustaz Turghun Almas, 1921 - yili 10-ayning 21- küni Sherqi Turkistanning Qeshqer shehride dunyagha kelgen. 2001-yili9-ayning11-küni (Amrikida yüz bergen 11-sentebir pajiesi bilen oxshash künde) i 80 yeshida Ürümchidiki milli doxturxanida wapat bolghan idi.

Alim Tughun Almas bu qisqighine hayatida weten uchun mujadile qilip birqanche qétim Xitay turmiliride yatidu we qattiq qiyin qistaqlargha élinidu. U bu hayatida xelqimizni oyghutushta mohim rol oynighan < pichaq >, < tenlirim yapraq >, < satqin > … qatarliq jenggiwar shierlarni yazidu.

80 yillarning axirida uning < Qedimqi Uygur Edebiyat Tarixi >, < Honlarning Qisqiche Tarixi >, < Uyghurlar > qatarliq uch parche kitabi arqa- aqidin neshir bolup keng jamaetchilikning diqqitini qozghaydu, merhum Turghun Almas bu eserliri arqiliq, Xitayning yalghan tarix oydurup chiqishtek rezil qilmishini qattiq pash qilghan we Uyghur xelqining özlirining heqiyqi tarixini ögünüsh pursitige ige qilghan idi.

Merhum Turghun Almas nur ichide yatqay, amin !

Abdujélil Qaraqash
< Sherqiy Türkistan Informatsiyon Merkizi > ning pirezidenti
Perhat Yorungqash
< ETIC – Uyghur Tetqiqat Merkizi > ning reyisi

2006 – yil 9 – ayning 12 – küni
München - Germaniye