Hotende Éliktir Chiriqi Körüp Baqmighan Uyghurlarning Sani Az Emes

Hoten rayoni, Sherqiy Türkistan boyiche eng namrat rayonlarning biri bolup, Hotende Uyghur dehqanlirining kishi beshigha toghra kélidighan yilliq sap kirimi 1000 yuangimu barmaydu.

Melum menidin eytqanda Hoten, Xitay hakimiyiti teripidin hechqandaq meblegh sélinmay tashliwétilgen bir wilayet. Bundaq bolushining sewebi, Hoten wilayiti Sherqiy Türkistan boyiche uyghurlar eng zich olturaqlashqan wilayet bolup, noposining 97 pirsenti Uyghur, unung üstige Hoten milliy tarixtin buyan musteqilliq heriketlirining merkezlirining biri bolup kelgen.

Hotende hazirghiche éliktir chiriqini körüp baqmighan kishiler az emes, köpligen yeza – qishlaqlarda Uyghur dehqanliri hazirmu jin chiraqqa tayinip yashap kelmekte, bu, xitay metbuatliri teripidinmu toghrulanmaqta.

Mesilen, < Tian Shan tori > ning 9 – ayning 12 – künidiki bir xewiride, eynen mundaq dep bayan qilinghan:
< Hoten wilayitidiki bir qisim kenitlerde éliktir yoq bolush mesilisini hel qilish üchün, Xinjiang éliktir enirgiyesi shirkiti bilen Hoten wilayitining her biri 50 pirsenttin meblegh sélip, 2704 ayilige éliktir chiriqi ornatmaqchi, 2009 – yiligha barghanda Hoten wilayitining pütün kenitliridiki her bir ayilige éliktir chiriqi ornutushni emelge ashurmaqchi >.