Shehidimiz Obulqasim Hajim Bishkekte Depne Qilindi

Öz xewirimiz: 9 – ayning 8 – küni etigen saet 7 de Qirghizistanning Bishkek Shehridiki 47 – nomurluq türme dohturxanisida Allahning rehmitige érishken Obulqasim Hajim, Bishkekning Uyghurlar zich olturaqlashqan Pakarovka rayonida depne qilindi.

Obulqasim Hajimning türmidiki sebdashlirining bildürishiche, Shehidimiz shu küni bamdat namizini oqup bolup, yasin sürisini oquwatqanda alhahning rehmizige erishken.

Qirghizistandiki uyghur jama’iti merhumning jesidini alghili kelgende, saqchi dayirliri jesedni waqtida bermey, esir waqti bolghanda andin tapshurup bergen, shunga merhumning jinaze namizi jümege ülgürmey, esir manizidin keyin andin depne qilinghan.

Bishkekning Pakarovka rayonida ötküzülgen jinaze namizigha 200 dek kishi qatnashqan.
Jinaze murasimida < Qirghizistan uyghur Ittipaqi > ning merkizi kengesh ezasi Shemsiddin Ablimof, Ayallar kengishi reyisi Heyrinisa hanimlar söz qilip, Shehidimizning hayati heqqide jama’etke qisqiche melumat berip ötken we Qirghizistan hökümitining Obulqasim Hajimgha artqan atalmish < jinayet > lerning pütünley quruq töhmettin ibaret ikenlikini alahide eskertip ötken.

Obulqasim hajimning wapati munasiwiti bilen, Chetellerdiki Uyghur teshkilatliri arqa – arqidin teziyename elan qilip, Shehidimizning wapatidin cheksiz qayghurghanliqini izhar qilish bilen birge, merhumning a'ile – tawabatliridin semimiy hal soridi. .