Dunya Uyghur Qurultiyining Obulqasimning Wapatige Teziyesi

Sherqiy Turkistan Uchur Merkizining tarqatqan xewiridin, Inqilapchi, Uyghur xelqning söyümlük oghlani, merhum Obulqasimning, 2006-yili 9-ayning 7-küni wapat bolghanlighi heqidiki qayghuluq xewerni anglap, intayin azaplanduq.

Obulqasim 1998-yili Qirghizstanda qolghan elinghandin kiyin, Qirghizstan sot mehkimisi, Xitay hökümitining besimi bilen delil-ispatsizla 1998-yili 12-ayda 14 yilliq qamaq jazasigha höküm qilinghan, Xitay hökümiti Obulqasimge berilgen jazasigha razi bolmay, Qirghiz hökümitini qayta sot echishqa qistishi bilen, 2003-yili echilghan 2-qetimliq sotta Obulqasim 24 yilliq qamaq jazasigha höküm qilinghan idi.

Obulqasimning qolgha elinishidin tartip, uning 24 yilliq qamaq jazasigha höküm qilinishighiche we hetta uning wapatigiche bolghan pütün jeryanda Qirghizstan hökümiti xelqara qanunlargha xilapliq qilipla qalmay, belki ozining dölet qanunlirighimu eghir xilapliq qilip keldi. Obulqasimning qolgha elinishi we uning qamaq jazasigha höküm qilinish jeryanida besip ötüshke tigishlik normal qanuni jeryanlar we resmiyetler qilchimu ijra qilinmidi. U qanun bilen emes, belkim uchuq-ashkara halda siyaset bilen jazalandi.

Obulqasimning tutqun qilinishidin, qamaq jazasigha höküm qilinishi we Turmidiki jeryanlirida bolsun Teshkilatlirimiz Obulqasim mesilisige intayin kongul bölüp kelgen idi. Qirghizstan hökümetlirige, xelqara organlargha xetler yezip uning adil sot qilinishini, siyasi jazaning emeldin qaldurulishini, dawalinishi imkaniyitige ige qilinishini telep qilghan iduq. Qurultiyimizning Qirghizstandiki wekili arqiliq uning mesilisige kongul bolushni izchil tekitlep kelgen iduq. Hetta texi bir ay ilgiri meniwi animiz, milli rehbirimiz Rabiye xanim, UAA ge wakaliten mexsus bir kishini Qirghizstangha ewetip, Obulqasimdin hal sorap we uning turmidin azat qilinishi uchun jiddi heriketler elip barghan idi. Epsuski Xitay hökümitining sidetlik suyqestliri sewebidin, elip barghan putun tirishchanliqlar netinjige erishgiche Obulqasim arimizdin ayrildi.

Ishenchilik melumatlargha asaslanghanda Obulqasim Türmide intayin eghir qiyin-qistaq we tenjazasigha uchrighan. türmidiki intayin nachar sharait, achliq we tayaq zerbiliri uni eghir kiselge giriptar qilghan. Uning salametligi intayin nacharship, halsiz bir haletke chushup qalghan bir ehwaldimu, uningha tekshurtish we dawalinish imkaniyiti berilmigen. Türme hayati jeryanida Qirghizstandiki uruq-tuqanliri we yeqinliri bilen korushush imkaniyiti bolmighan.

Qirghizstan hökümiti Xitay hökümiti bilen til biriktürüp, rezil bir siyasi oyun we suyqest bilen Obulqasimning hayatini nabut qildi. Obulqasimning türmidiki sirliq ölümi, Xitay hökümitining Uyghurlargha qaritip kilwatqan „dölet teröri“ning chigira atlap ijra qilinishi we uzini demokiratik dölet dep atiwalghan Qirghizstanning terrorizimge shirik bulushi hisaplinidu.

Dunya Uyghur Qurultiyi Qirghizstan hökümitining qanunsiz qilmishini qattiq eyipleydu. Qirghistan hökümitini xelqara qanun we özining dölet qanunlirigha emel qilishqa, Xitay hökümititning jinay qilmishlirigha bolghan shirikligidin qol tartishigha we Qirghizstan türmilirida Obulqasimgha oxshash heqsizliqlarning bedili tolewatqan biguna insanlarning, qanunsiz tutqun qilinghan we jazagha hokum qilinghanlarning qanuni hoquqini kapaletke ige qilishqa chaqiridu.

Dunya Uyghur Qurultiyi téxi 38 yashqa kirgen, yash inqilapchimiz Obulqasimning waqitsiz ölümidin intayin qayghu uridighanlighimizni bildürimiz! Merhumni hörmet bilen esleymiz.

Merhumning ata-ana, uruq-tuqqan sebdashliridin semimiy hal soraymiz, ulargha janabi Allahdin sebir tileyymiz. merhumning yatqan yéri jennet bolghay!

Hörmet bilen;

Erkin Alptekin
Dunya Uyghur Qurultiyi Reisi

2006-yili 9-ayning 8-küni
Germaniye-München.