|
Obulqasim Hajim Qirghizistan Türmiside Allahning Rehmitige Érishti
 Öz
xewirimiz: birqanche yildin buyan Qirghizistanning Bishkek shehridiki 1 –
yépiq türmisining yerasti alahide kamirida naheq yétiwatqan Uyghur oghlani
Obulqasim Hajim bügün ( 9 –ayning 8 - küni ) seher Allahning rehmitige
érishti.
Obulqasim hajim 1998 – yili Qirghizistan saqchi dayirliri teripidin qolgha
élinghan we 2001 – yili 3 – ayning 12 – küni Qirghizistan Osh Sheherlik sot
mehkimisi hech bir délil – ispatsizla uni, < terorist > dep eyiplep ölüm
jazasigha höküm qilghan, shundin buyan Obulqasim Hajim Qirghizistanning
bishkek shehridiki 1 – yépiq türmisining yerasti alahide kamerigha qamalghan
idi..
Igellishimizche, Obulqasim hajim tutqun jeryanidiki qattiq qiynashlar we
türme sharayitining pewquladde nacharliqi sewebidin éghir késelge ( Rak
késilige ) giripdar bolup yétip qalghan bolsimu, emma türme dayirliri uni
dawalash üchün özlikidin tedbir qollunush uyaqta tursun, hetta unung
dawalinish heqqidiki iltimasinimu ret qilighan we ununggha qarita yenila
bashqa saghlam jinayetchilerge qarita qollunuwatqan qopal we gheyri insani
muamilisini dawamlashturup kelgen, nétijide Obulqasim Hajimning késili
barghansiri nacharliship, herket we gep qilalmaydighan derijige berip
qalghan idi.
Obulqasim hajim bilen bir türmide yétiwatqan bashqa uyghurlarning yeqinda
inkas qilishiche, türme dayirliri türmide nimjan halda yétiwatqan
obulqasimning halidin xewer élish üchün hech bir tibbi xadim ajratmighan,
peqetla bedini chidighusiz derijide aghrip waysighan chaghdila sestiralar
kirip aghriq peseytküchi yaki narkoz qilghuchi okul urup qoyidiken.
Türmide unung bilen birge yétiwatqan bashqa Uyghurlar, < eger Qirghizistan
dayirliri Obulqasim Hajimni dawalash üchün derhal heriket qilmisa, bügünki
bu hali bilen qisqa waqit ichide hayatidin ayrilip qélishi mumkin > dep
endishilirini bildürgen idi, ularning bu endishiliri toghra chiqti we
oghlanimiz Obulqasim Hajim türmide jan üzdi.
Merhumning wapati munasiwiti bilen, unung ata – ana, uruq – tuqqan, dost –
burader we sebdashliridin semimiy hal soraymiz, merhumning yatqan yéri
jennet bolghay, amin !
|
