Sherqiy Türkistanda Her 4 yil Ichide Birxil Yawa Ösümlük Türi Yoqaydu

< Tian Shan tori > ning 9 – ayning 3 – küni bergen xewiride körsütülishiche, nöwette Sherqiy Türkistanda yawa ösümlükler türi barghansiri azlap mangghan bolup, her 4 yil ichide birxil yawa ösümlük türi ghayip bolidiken.

Yawa ösümlükler türining azlap ketishi, Sherqiy Türkistanning dehqanchiliq ishlepchiqirishighimu biwaste tesir körsütüshke bashlighan, chünki ilmiy jehettin alghanda, yawa ösümlük kölümining aziyishi bilen, dehqanchiliq ziraetlirini hasharet qaplap ketish, ziraetlerning gholi chürüp ketishteh hadisilermu köpüyidiken.

Mezkür xewerde, yawa ösümlük türlirining azlap ketishi, qalaymiqan charwa beqish, qurghaqchiliq, yawa ösümlük dorilirini kelse – kelmes yighiwélish, pilansiz halda sayahet rayonliri echish qatarliq seweplerdin kélip chiqqan, dep körsütülgen bolup, yawa ösümlüklerning türining azlap mengishi, kelgüside Sherqiy Türkistanning ekilogiyélik tengpungliqigha eghir xewip élip kélidiken.

Emma chetellerdiki uyghur ziyaliliri, Sherqiy Türkistanda tebiy ekilogiyélik mohitning yuqarqidek weyranchiliqqa uchrishigha, asasen atom sinaqliri we Xitay köchmenlirining < bozyer echish, altun qezish, yawa dora ösümliklirini yighish > digendek namlarda uchrighanliki yeshilliqlarni nabut qilishining sewepchi boluwatqanliqini bayan qilishmaqta