Sherqiy Türkistan Xitayning Hayat Menbi'i

Kishi béshigha toghra kélidighan kirim jehette Xitay boyiche yillardin buyan keynidin sanighanda birinchilikni qoldin bermey kelgen Sherqiy Türkistan hazir Xxitayning eng asasliq hayat menbi'ige aylandi.

Nöwette Sherqiy Türkistan Xitayning eng chong yéza igilik, charwichiliq we xam’eshya bazisigha aylinip qaldi.

< Tian Shan tori > ning 9 – ayning 3 – küni xewer qilishiche, bügün Sherqiy Türkistanda 50 milyon modin köpirek térilghu yer bolup, Yaylaq kölümi 860 milyon mogha yétip baridiken, ötken yili Sherqiy Türkistanda ashliq ishlepchiqirish miqdari 8 milyon 760 ming tonnigha, paxta 1 milyon 890 ming tonnigha, gösh mehsulatliri bolsa 14 ming 100 tonnigha yetken.

Unudin bashqa yene ötken bir yil ichide néfit ishlepchiqirish miqdari 30 milyon tonnigha, kömür ishlepchiqirish miqdari bolsa 38 milyon tonnigha yetken.

Bir iqtisatshunas Xitay, yerlik xelqning iqtisadi kirimining ashmasliqini, < peqet xam’eshya sétish bilenla bay bolghili bolmaydu, choqum sanaet ishlepchiqirishi bilen shughullunush kérek > dep izahlighan.

Emma Xitay hakimiyitining Sherqiy Türkistanda uzun yillardin buyan Sanaet ishlepchiqirishigha meblegh salmay, peqetla xam’eshya benbelirini échishqila meblegh sélip kéliwatqanliqi, bu xam’eshyalarning Xitayning ichkiri ölkiliride pishshiqlap ishlengendin kéyin, yene qayta Sherqiy Türkistan bazarlirida yuquri bahada séetip kéliwatqanliqi bilinip kelmekte.

Mesilen, Sherqiy Türkistan Xitayning eng chong néfit ishlepchiqirish bazisi hisaplanghini bilen, buyerde benzin, selerke qatarliq néfit mehsulatlirining bahasi Xitayning ichkiri ölkilirige qarighanda köp qimmet.