Bing Tuan, Ichkiridin Yötkeydighan Xitaylarning Sanini 525 Minggha Köpeytti

Sherqiy Türkistanda öz aldigha musteqil xandanliq quriwalghan atalmish < Ishlepchiqirish qurulush armiyesi >, 8 – ay kirgendin buyan < paxta terish ishchiliri > digen niqap astida Xitayning ichkiri ölkiliridin keng – kölemde Xitay köchmini yötkeshke bashlighan we buyilliq paxta terish mezgilide 467 ming ishchi yötkep ishlitidighanliqini elan qilghan idi.

< Tian Shan tori > ning 9 - ayning 3 – küni xewer qilishiche, Bing Tuan, < 467 ming ishchi ehtiyajimizni qamdiyalmaydu > digen sewep bilen, ichkiridin yötkep kélinidighan Xitay ishchilarning sanini 525 minggha chiqarghan.

Bing Tuan teripidin nöwette jiddi yötkep kéliniwatqan bu Xitaylar asasen Henan, Gansu, Cungqing, Sichuan qatarliq jaylardin iken.
Mezkur xewerde körsütülishiche, Bingtuan ötken yilimu oxshash sewep bilen ichkiri ölkilerdin 510 ming Xitay yötkep kelgen bolup, bu Xitaylarning hazir öz yurtlirigha qaytip ketken yaki ketmigenlikimu eniq emes.

Chetellerdiki bezi uyghur ziyaliliri, merkizi hökümetke biwaste qarashliq bolghan Bing Tuanning buxil öz aldigha keng – kölemde Xitay köchmini yötkesh siyasitini, < milliy teritoriyélik aptonomiye qanuni > ning depsende qilinishining tipik örnigi > dep qarashmaqta.