Wang Le Quan, < Milliy Teritoriyélik Aptonomiye Qanuni > ning Qaltis Yaxshi Ijra Qilinghanliqini Bayan Qildi

< Tian Shan tori > ning xewer qilishiche, 8 – ayning 31 – küni kechte, < Aptonom Rayonluq Partikom > ning sekritari Wang Le Chuan, Sherqiy Türkistanggha < Milliy Teritoriyélik Aptonomiye Qanuni > ning ijra qilinish ehwalini tekshürüshke kelgen < Xitay Memliketlik Xelq Wekiller Qurultiyi > ning muawin bashliqi He Lu Li bashchiliqidiki wekiller ömigini qobul qilghanda, bu qanunning Sherqiy Türkistanda qaltis yaxshi ijra qilinghanliqini, bu qanunning sayiside hazir Sherqiy Türkistanda Milletler ittipaq, jemiyet amanliqi muqim bolushtek chong yaxshi weziyetning barliqqa kelgenlikini, milliy teritoriyélik aptonomiye tüzümining ewzellikining toluq namayende qilinghanliqini tekitligen.

Bundin birqanche kün burun, Xitayning < Milliy Teritoriyélik Aptonomiye Qanuni > ni jakalighanliqining 22 – yilliqi munasiwiti bilen, Sherqiy Türkistan Milliy herikitining rehbiri Rabiye Qadir, < Sherqiy Türkistan Informatsiyon Merkizi > ning pirezidenti Abdujélil Qaraqash … qatarliqlar mexsus bayanat we obzor élan qilip, 1988 – yili Atalmish < Milliy Teritoriyélik Aptonomiye Qanuni > élan qilinghandin buyan, bu qanunning peqetla qeghez yüzide saqlinip qalghanliqini, Xitay hakimiyitining bu qanunning maddilirini ijra qilish uyaqta tursun, eksiche ununng maddilirigha qarimu – qarshi bolghan atsimilatsiye qilish siyasitini yürgüzüp, Uyghur Xelqining insani heq – hoqoqlirini eghir derijide depsende qilghanliqini, shunung üchünmu < Milliy Teritoriyélik Aptonomiye Qanuni > élan qilinghandin buyan, Sherqiy Türkistan rayonida Xitay hakimiyitige qarshi Milliy musteqilliq heriketlirining kündin – künge küchüyüp beriwatqanliqini emiliy misallar bilen körsütüp ötken idi.

Yuqarqi xewerde körsütülishiche, He Lu Li bashchiliqidiki bu ömek, < Milliy Teritoriyélik Aptonomiye Qanuni > élan qilinghandin buyan, bu qanunning ijra qilinip – qilinmighanliqini tekshürüsh üchün merkezdin iwetilgen tunji tekshürüsh ömigi iken..