Xitay bilen Qazaqistanning Birleshme Herbi Maniweri Bashlinish Aldida Turmaqta

< Tianshan tori > ning xewer qilishiche, < Shanghai hemkarliq teshkilati > ning ikki ezasi – Xitay bilen Qazaqistanning atalmish < térorizim > gha qarshi birleshme herbi manewiri 8 – ayning 24 – künidin 26 – künigiche Qazaqistan bilen Sherqiy Türkistan chégriside élip bérilidiken, bu qétimqi birleshme manewergha, < Tianshan – birinchi nomur > dep nam berilgen.

Bu qetimqi manewirning ötküzüshtiki meqset, buyil 6 – ayda chaqirilghan < Shanghai hemkarliq teshkilati > yighini mezgilide ikki döwlet otturisida hasil qilinghan kélishimning rohigha asasen, Xitay we qazaqistanning bixeterlik hem qanun tarmaqliri otturisidiki hemkarliq sewiyesini ashurush, < terorizim > gha qarshi iradisini namayen qilish we ikki döletning chegrasining bixeterliki hem muqimliqini qoghdashtin ibaret iken.

Köpchilikke melum bolghinidek, Xitayning < Shanghai hemkarliq teshkilati > ni qurup chiqishtiki eng asasliq meqsetlirining biri – Uyghurlarning milliy musteqilliq heriketlirini basturushtin ibaret bolup, bu teshkilat qurulghan 96 – yilidin buyan Xitay hakimiyiti < Shanghai hemkarliq teshkilati > ni bu meqsetliri üchün xizmet qildurushqa tiriship kelmekte.