Rabiye Qadir Xanim < Sherqiy Türkistan Informatsiyon Merkizi > ni Ziyaret Qildi

Sherqiy Türkistan milliy herikitining rehbiri we Uyghur xelqining meniwi anisi Rabiye Qadir xanim 8 – ayning 16 – küni München shehridiki < Sherqiy Türkistan Informatsiyon Merkizi > ning ishxanisini ziyaret qilip, merkezning pirezidenti Abdujelil Qaraqash we < ETIC – Uyghur Tetqiqat Merkizi > ning reyisi Perhat Yorungqashlar bilen körüshüp, milliy herikitimizning nöwettiki omomiy weziyiti we kelgüsi tereqqiyat istiqbaligha munasiwetlik mesililer üstide etirapliq söhbet élip bardi.

Rabiye xanim aldi bilen, < Sherqiy Türkistan Informatsiyon Merkizi > ning pirezidenti Abdujelil Qaraqash ependining milliy herikitimizge qoshqan töhpisige yuquri baha berdi we < Sherqiy Türkistan Informatsiyon merkizi > ning yillardin buyan qolgha keltürgen muwapiqiyetlirige apirin oqudi, Shundaqla ETIC ni, Sherqiy Türkistan milliy herikitining cheteldiki eng nopozluq we eng asasliq uchur merkizi dep qaraydighanliqini bildürdi.

Körüshüsh jeryanida Rabiye Qadir xanim, < Sherqiy Türkistan Informatsiyon Merkizi > teripidin tesis qilinghan we birqanche mezgildin buyan sinaq teriqiside anglitish beriwatqan < u–tv > ning, yeni < Uyghur téléwiziyesi > ning mexsus ziyaritini qobul qilip, < u–tv > ning söhbet purogrammisida özining milliy herikitimizning teqdiri we Uyghurlar nöwette duch kéliwatqan jiddi mesililerge bolghan qarashlirini étirapliq halda otturigha qoydi.

Bu qétimqi téliwiziye söhbiti texminen bir saet öp – chöriside bolup, bu purogramma yeqinda < u–tv >de toluq tarqitilidu.

8 – ayning 15 – künimu Rabiye xanim, yoldishi we milliy ustaz Sidiq Haji Rozi, shundaqla Dunya Uyghur Qurultiyining bash katibi Dolqun Eysalar bilen birge < Sherqiy Türkistan Informatsiyon Merkizi > ni ziyaret qilghan idi.