Qorchaq Reyis Ismayil Tiliwaldi, Ma'arip Tarmaqliri We Neshriyat Sahesidin Kommunizim Terbiyesini Kücheytishni Telep Qildi

< Xinjiang géziti > de 8 – ayning 14 – küni élan qilinghan bir xewerde körsütülishiche, atalmish < Aptonom rayonluq xelq hökümiti > ning reyisi Ismayil Tiliwaldi we < Aptonom rayonluq partikom > ning muawin sekritari Nur Bekri qatarliqlar < Xinjinag ma'arip neshriyati idarisi > gha bérip tekshürüsh élip barghan.

Tekshürüsh jeryanida ular azsanliq milletler til – yéziqidiki derislik kitaplar ambirini, neshriyatning Uyghurche, Mongghulche, Xitayche, Qazaqche we Qirghizche tehrir bölümlirini közdin kechürgen.

Qorchaq reyis Ismayil Tiliwaldi neshriyat rehberlirige qilghan sözide, siyasi jehettin saghlam bolmighan mezmonlarni derislik kitapliridin chiqirip tashlashni we oqutush kitaplirigha qarita nazaretchilikni kücheytishni telep qilghan.

Ismayil Tiliwaldi yene, her derijilik maarip tarmaqliridin we neshriyatlardin, Markisizim, Lenlinizim, Maozedung idiyesini, Ding Xiaoping neziriyesini we Jiang Zeminning < 3 ke wekillik qilish > idiyesini teshwiq qilishni kücheytip, idilogiye sepini mustehkemleshke chaqirghan.
Kommunist xitay hakimiyiti Sherqiy Türkistanning milliy ma'aripini Xitaylashturushni emelge ashurush üchün, milliy maarip sahesige qaratqan siyasi besimini üzlüksiz ashrup kelmekte we Uyghurche ottura – bashlanghuch mekteplerning derislik kitapliridiki uyghur tarixigha we Uyghur kilassik edibiyatigha dayir mezmonlarni chiqirip tashlap, unung ornigha Xitay tatixi we edibiyatigha dayir mezmonlarni, shundaqla Kommunistlarning meshhur shexislirining resimlirini orunlashturup kelmekte, Xitayning bu qilmishi yerlik xelqning qattiq naraziliqini qozghap kelmekte.

< Aptonom Rayonluq Partikom > ning sekritari Wang Lequanning xotende 3 derijilik kadirlar yighinida qilghan bir sözidin melum bolushiche, köligen Uyghur ottura – bashlanghuch mektepliride, Uyghur oqughuchilarning derislik kitapliridiki Mao Zedungning resimini yirtip tashliwetish hedisiliri körülgen.