< Yawropa Sherqiy Türkistan Birliki > Teshkilati, Rabiye Xanimni Kütüwelish Üchün Mexsus Bagh Seylisi Pa'aliyiti Uyushturdi

< 8 – ayning 13 – küni, Germaniyening München shehride pa'aliyet élip bériwatqan < Yawropa Sherqiy Türkistan Birliki > teshkilati, Uyghur xelqining meniwi anisi we Sherqiy Türkistan milliy herikitining rehbiri Rabiye Qadir xanim we unung yoldishi milliy ustaz Sediqhaji Rozi ependilerning sheripi üchün mexsus dala seylisi pa'aliyiti uyushturup berdi.
Rabiye xanim bilen Sidiq Haji Rozi ependiler 8 – ayning 11 – küni Germaniyege yetip kelgen wes shu küni < Yawropa Sherqiy Türkistan Birliki > teshkilatining rehberliri we ezaliridin teshkil tapqan bir gurup Uyghur München ayriduromigha chiqip, gül destiler bilen ularni qarshi élip kütiwalghan idi.

Yekshenbe küni ötküzülgen bagh seylisi pa'aliyitige, Germaniyining herqaysi rayonlirida yashawatqan Uyghurlardin 150 din artuq kishi aile –tawabiatliri bilen kélip qatnashti. DUQ reisi Erkin Alptekin ependimu Münchin shehrige neche yüz kilometir yiraqliqtiki Wurzburg shehridin alahide Münchenge kélip, bagh seyliside Rabiye Qadir xanim hem Sediqhaji Rozi ependiler bilen didarlashti.
Pa'aliyet Sorunida, aldi bilen DUQ reisi Erkin Alptékin ependi nutuq sözlep, “Uyghurlarning Meniwi Anisi, Sherqiy Türkistan milliy herikitining lideri, xelq'ara insan heqliri kürishining bayraqdari”dep shereplendürülgen Rabiye Qadir xanimdin semimi hal sorash bilen birge, uning Sherqiy Türkistan milliy mujadiliside tutqan orni we qolgha keltürgen netijilirige yene bir qetim yuqiri baha berdi. DUQ ning her qachan Rabiye Qadir xanim bilen bir septe turup, mürini mürige tirep küresh qilidighanliqini qayta eskertti.

Rabiye Qadir xanim öz nutqida, Sherqiy Türkistan xelqining nöwette duch keliwatqan pajielik teqdiri, Xitayning insan qélipidin chiqqan siyasiy, iqtisadiy, medeniy qirghinchiliqliri we asimilatsiye siyasiti, shundaqla teximu dehshetlik dawam qiliwatqan dölet térrori heqqide melumatlar bergendin sirt, muhajirettiki Uyghurlarning insan heqliri kürishi musapiside qolgha keltüriwatqan utuqliri we Uyghur teshkilatlirining nöwettiki wezipisi, Uyghur milliy mujadilisining siyasiy yönülishi heqqidimu pikirler bayan qildi.

Bu pa'aliyetke Yawrupa Sherqiy Türkistan birliki teshkilatining reisi Dolqun Eysa ependi we Sherqiy Türkistan Imformatsiyun Merkizining reisi Abdujčlil Qariqash qatarliq teshkilat mes`ullirimu qatnashti. Besh saet dawam qilghan bu pa'aliyet qaynam tashqiliq bir keypiyat ichide ötti.

Pa'aliyettin keyin, DUQ rehberliri bilen Rabiye Qadir xanim, Sediqhaji Rozi ependiler arisida Uyghur milliy mujadilisining teqdiri, nöwettiki we kelichektiki siyasiy heriketlerning plan – programmiliri heqqide muhim ichki muzakiriler élip bérildi.