Xitay Yeza Igilik Ministirliki, Sherqiy Türkistanda Az Uchraydighan 6 xil Étibarliq Yawayi Haywanni Chetelliklerning Owlishigha Echiwetti

 < Xinjiang iqtisat geziti > ning 8 – ayning 11 – künidiki sanida elan qilinghan bir xewerde körsütülishiche, Xitay yeza igilik ministirliki memliket boyiche 14 xil yawayi haywanni chetellik owchilargha echiwetken bolup, bularning 6 xili Sherqiy Türkistandiki Arqar, tagh öchkisi, toruqteke, jeren, Bugha, Böken qatarliq iken.
Yuqarqilarning ichide tagh öchkisi dölet boyiche 1 – derijide qoghdilidighan haywanlar qatarigha kirgüzülgen bolup, qalghanlirimu 2 – derijide qoghdilidighan haywanlargha kiridiken.
Igelleshlerge qarighanda, Xitay hökümitining bu qarari yerlik xelqning qattiq naraziliqini qozghighan.

Ormanlarda yashawatqan qimmetlik yawayi haywanlarning Xitay köchmenliri teripidin xalighanche öltürülüp kéliniwatqanliqi, Sherqiy Türkistanda yillardin buyan saqlinip kéliniwatqan jiddi mesililerning biri bolup, hökümet terepmu ulargha qarita chebir cheklesh tedbiri qollanmay kelgen idi, xitay hökümitining bu qétimqi qarari, Sherqiy Türkistanning ekilogiyélik tengpungliqining kimler teripidin buzghunchiliqqa uchritiliwatqanliqini roshen halda körsütüp turmaqta.