|
Sherqiy Türkistanning Ot Apitidin Mudapiyélinish Küchi Intayin Ajiz
< Xinjiang geziti > de 8 – ayning 13 – küni elan qilinghan bir xewerde
körsütülishiche, nöwette Sherqiy Türkistanning ot apitidin mudapiye körüsh
küchi intayin ajiz bolup, Sherqiy Türkistanda mewjut bolup turghan 80
nechche nahiye we sheherning 53 ide ot öchürüsh ponkiti yaki etriti yoq iken,
bu nahiye – sheherler pütünley öz teqdirige tashlap qoyulghan bolup, nawada
birer ot apiti yüz berip qalsa, shu jaylardiki yerlik amma özliri küch
teshkillep ot öchürüshke qatnishishqa mejbur bolidiken.
Yezilarning bu jehettiki ehwali tehimu berbat bolup, hetta ottin
mudapiyélinish eslihelirimu yoq iken.
Nawada ot öchürüsh etriti yoq bir nahiyide ot apiti yüz berip qalsa, ot
öchürüsh orgini bar xoshna nahiyilerdin ot öchürüsh mashinilirining
kélishini kütüshtin bashqa charisi yoq iken.
Sherqiy Türkistanda hazir mewjut bolup turiwatqan ot öchürüsh etretliri <
Aptonom rayonluq saqchi nazariti > ge tewe bolup, saqchi nazaritide mexsus
ot öchürüsh idarisi qurulghan, Xitay hökümiti yerlik hakimiyetlerning öz
aldigha ot öchürüsh organlirini qurushini chekligini üchün, ot apiti yüz
bergende saqchilarning kélishini kütüshtin bashqa charisi yoq iken.
Emma Xitay hökümiti bu jehette Sherqiy Türkistanda mewjut bolup turghan we
merkezge biwaste qarashliq organlargha alahide étibar berish siyasiti tüzüp
chiqqan bolup, mesilen, xitayning Bugurde turushluq Laysu nefit – hemiye
sanaet rayonining öz aldigha musteqil ot öchürüsh orgini tesis qilishigha
ruxset qilghan.
|
