|
Hökümettin Sorimay Musulmanlar Qewristanliqi Achqanlargha Hessilep Jaza
 <
Xinjiang iqtisat geziti > ning 8 – ayning 11 – küni xewer qilishiche,
Ürümchide hökümet terepning testiqini almay turup musulmanlar qewristanliqi
achqanlargha yaki jinazini hökümet bélgilep bergen qewristanliqlarning
sirtigha depne qilghuchilargha hessilep jaza bérilidiken.
Mezkur xewerde körsütülishiche, Ürümchi sheherlik Xelq hökümitining 41 –
qétimliq dayimi hey’etler yighinida, Ürümchidiki musliman qewristanliqlirini
bashqurush heqqide mexsus belgilime chiqirilghan we jazalash tedbirliri
békitip chiqirilghan.
Hazirgha qeder Ürümchide hökümet teripidin békitip bérilgen 3 muslimanlar
qewristanliqi bar bolup, bularning hemmisi sheherning sirtidiki chet – qaqas
jaylarda. qewristanliqlarning etrapida su menbesi yoq, unung üstige qatnash
intayin qolaysiz, shunga Uyghurlarning bérip – kélishi qiyin we özlirige
ayit qewrilerni kökertip perwish qilish imkaniyitimu yoq, buxil weziyet uzun
yillardin buyan Sheherdiki musliman ahalisining qattiq naraziliqini qozghap
kelgen idi.
 Ürümchide
tarixtin buyan mewjut bolup turghan muslimanlar qewristanliqlirining hemmis
sheher merkizige yeqin idi, emme keyin bu qewristanliqlarning hemmisi
hökümet teripidin mejburi buzup yötkiwetildi we unung ornigha igiz – igiz
binalar sélindi.
Mesilen, 30 – yillarda qurulghan < Sherqiy Türkistan Islam Jumhuriyiti >
ning pirizedinti Hojaniyaz Hajining we bashqa meshhur Uyghur shehislirining
qewriliri yer alghan qewristanliqning melum qismi 1990 – yillarning
bashlirida buzup tashlinip, unung ornigha < Xinjiang Radio – Téliviziye
Nazariti > ning ayililikler binasi sélinghan idi, qalghan qismi bu yilning
béshida pütünley buzup tashlandi.
|
