Xitay Dölitidiki 40 Mingdin Artuq Adem Organizimi Köchurush Opratsiyesi

Kanadada yéqinda élan qilinghan bir parche mulahize dokulatida, chong-quruqluqta 2000 - yildin 2005 - yilighiche bolghan ariliqta, 40 mingdin artuq eza köchürüsh opratsiyesining élip bérilghanliqi otturgha qoyulghan.

Dokilatta 1994- yildin 1999- yilighiche bolghan alte yil ichide 18 mimg 500 qétimliq eza köchürüsh opratsiyesining tizimgha aldurulghanliqi we adem ezalirining kélish menbesining éniq emesliki tilgha élinghan. 2000-yildin 2005- yilighiche bolghan ariliqtiki 40 mingdin artuq eza köchürüsh opratsiyesidiki adem ezalirining kélish menbesining éniq emesliki kishini endishige salidiken.

Xelqara Kechürüm Teshkilatining bildürishiche, 2000 - yildin 2005 - yilighiche Xitay dölitide ölümge höküm qilinghanlarning sani aran 1616 neper bolop, bu san eza köchürülgenlerning sani bélen sélishturghanda köp az iken, bu san otturisidiki periqning chong bolishi Xitay hökümitining bu heqte yalghan istatiskiliq melumatlar arqiliq xelqara jemiyetning közini boyighanliqini éniq bildüridiken.

Bezi mulahizichilerning qarishiche, Xitaydiki eza köchürüsh opratsiyesining tiz sürette köpiyishining sewebi, tereqqi tapqan ellerdiki eza köchürüsh opratsiyesige muhtaj bimarlarning sanining éshishi bilen munasiwetlik ikenliki otturgha qoyulghan. mesilen, hazir amérkida 70mingdin artuq bimar Börek almashturush opratsiyesige muhtaj iken. Xitay hökümitining bar imkaniyetler heqqide bergen melumatlirigha qarighanda bu bimarlarning Xitay dölitide eza köchürüshi üchün neche yil saqlishigha toghra kélidiken, emiliyette bolsa Xitay dölitide ölümge höküm qiliniwatqanlarning sani Xitay bildürgendikidin alayide köp bolup, peqet bir yaki ikki heptidila ihtiyajliq bolghan adem ezasini tapqili bolidiken.
Shuning üchün bezi bimarlar sayahet banasi bilen Xitay dölitige eza köchürüshke kélidiken.

Erkin asiya radiosing bildürishiqe, Sherqi Türkistanda siyasiy öktichiler we san-sanaqsiz yash-ösmürlerning izdireksiz yoqapkétish ishlirining bu weqe bilen baghlinishliq ikenliki tilgha élingha. bu ish bilen Xitay dölitidiki adem ezasi sodisining munasibitining bar-yoqliqi heqqide éniq bir istatiskiliq melumat téxiche yoq iken.

Paydilanghan matériyal:www.dajiyuan.com
Xewerni teyarlighuchi: Wushouerajimu Abulimit