|
< Xitayning Eskisi Bingtuanlik >
Öz xewirimiz: Uyghurlar ichide, < Xitayning eskisi Bingtuanlik > deydighan
bir söz bar, bu, 50 nechche yildin buyan Sherqiy Türkistan xelqighe zor
balayi – apetlerni élip kelgen atalmish < ishlepchiqirish qurulush
Bingtuan'i > ge Xelqimiz teripidin berilgen tarixiy bir baha.
Bingtuanning herqaysi Tuan – Meydanliri qarmighidiki < xelq eskerliri >
bolsa Sherqiy Türkistandiki milliy heriket we xelq isyanlirini
rehimsizlerche basturushta biwaste aktip rol oynap kéliwatqan jallat
qoshundin ibaret, mesilen, Bingtuan qarmighidiki xelq eskerlirining
Xitayning saqchi we eskerlirige masliship, 80 – yillarning bashliridiki <
qeshqer weqesi >, < Qaghiliq weqesi >, 90 – yilidiki < Barin weqesi > we 97
– yilidiki < 5 – fewral Ghulja weqesi > … qatarliq chong – kichik Xelq
isyanliri we milliy heriketlerni qanliq basturushta aktip rol oynighanliqi
xelqimizge ayan bolup kéliwatqan bir mesile. Emma, Uyghur xelqi teripidin
lenetlinip kélingen bu fashist qoshun, Bingtuan rehberliri teripidin her
zaman etiwarlinip mukapatlinip kélinmekte.
< Tianshan xewer tori > ning 7 – ayning 20 – küni bergen bir süretlik
xewiride, Bingtuan qarmighidiki 89 – tüenining bashliqi Bu Fu Ming ning, bu
tüendiki xelq eskerlirini pul we maddi buyumlar bilen mukapatlap hal
sorighanliqi bayan qilinghan.
|
