Xitay Tarim Oymanliqida Néfit-Tebiiy Gaz Échishta Chetel Shirketlirige Tunji Qétim Ishik Achti

2006.07.14 RFA

Xitay hökümiti hazir Tarim oymanliqidiki néfit we tebiiy gaz bayliqlirini téximu köp échish üchün chetel shirketlirige ishikni keng achti. Bundaq shekil buningdin burun körülüp baqmighan idi. Amérika awazi radiosining xewer qilishiche, Xitay néfit -tebiiy gaz shirkiti guruhi 7 ‏- ayning 14 ‏- küni, özi Tarim oymanliqida kontrol qilip turuwatqan 9 qédirish rayonidiki 110 ming kwadrat kilométir daire ichide néfit we tebiiy gaz burghilashqa chetel néfit -tebiiy gaz shirketlirini teklip qilidighanliqini bildürgen.

Xewerde bayan qilinishiche, Xitay néfit - tebiiiy gaz shirkiti guruhi Tarim oymanliqining yuqiri éqin rayonlirigha 1980 ‏- yillardin bashlap cheteldin meblegh sélip qilishqa bashlap, 46 chetel shirkitidin 1 milyard 400 milyon amérika dolliriliq meblegh qobul qilghan idi. Bu qétim Xitay Tarim oymanliqida néfit we tebiiy gaz burghilash üchün chetel shirketlirige ishik échiwitishte qollinidighan mehsulatlargha igidarchiliq qilish modéli 'nisbet buyiche bölüshüsh' toxtami tüzüshtin ibaret bolidiken. Hazir xelqarada bir qisim néfit -tebiiy gaz shirketliri bu shekilge qiziqmaqta.)