Xitay Bilen Rusiye Altaygha Gaz Turubisi Yatquzmaqchi

2006.07.10  RFA

Uyghur aptonom rayonining Altay wilayitidiki dairilerning ashkarilishiche, Rusiye bilen Xitay Altaygha gaz turubisi yatquzup rusiyidin Altaygha tebiy gaz yötkeshni pilanlimaqta iken. Xitayning altarayonidiki yuqiri derijilik emeldari Li Shyanglin, Rusiye bilen Xitayning Altaygha tebiy gaz turubisi yatquzush mesiliside ilgirilesh hasil qilghanliqini bildürdi.

Dunya boyiche eng chong tebiy gaz shirketliridin biri bolghan Rusiye gazprom shirkiti Xitay terep bilen tebiy gaz turubisi yatquzush mesilisini muzakire qilmaqta we ikki terep hasil qilghan munaswetlik kélishim layihisi Uyghur aptonom rayonluq qatnash nazariti we aptonom rayonluq hökümetke tapshurulghan. Tereplerning pat yéqinda axirqi kélishim layihisige imza qoyidighanliqi perez qilinmaqta.

Li shyanglinning eskertishiche, gazprom Xitaygha ikki tebiy gaz turuba liniyisini yatquzushi we bu ikki tebiy gaz turubisining gherbiy liniyisi Xitayni yiligha 68 milyard kup métir tebiy gaz bilen teminlishi mumkin.

Xitay néfit tebiy gaz énérgiye menbesini köp xillashturush istiratégiyisi buyiche ottura asiya elliri we Rusiye bilen hemkarliqni kücheymekte. Xitay bilen qazaqistan Uyghur aptonom rayonining maytagh néfitlikigiche tutishidighan Atasu - Alataw néfit turubisini yasighan we buninggha yandash halda qazaqistan - Xitay tebiy gaz turubisi yatquzushni pilanlighan idi. (Erkin)