Hüsenjan Qarim, Özbekistan Hökümiti Teripidin Xitaygha Qayturup Bérildi
2006.06.26 RFA
Mart éyida Özbekistanda qolgha élin'ghan Kanada
puqrasi hösenjan qarimning Özbekistan hökümiti teripidin Xitaygha qayturup
bérilgenliki bildürüldi.
Hösenjan qarimning Kanadada yashaydighan ayali Kamile tilendibaywaning
bildürüshiche, Kanada tashqi ishlar minstirliqining bir xadimi, Tashkenttiki
Kanada diplomatlirining Kanada tashqi ishlar minstirliqini, Hüsenjan qarimni
Özbekistan hökümiti Xitaygha qayturup bergenliki toghrisida xewerdar
qilghanliqini éytqan.
Hüsenjan qarimning qachan Xitaygha qayturup bérilgenliki téxi éniq melum
emes, emma yéqinda Hüsenjan qarimning Tashkenttiki tuqqanliri Özbekistan
dairilirining uni bashqa bir türmige yütkigenlikini bildürüp, lékin uni
qaysi türmige yütkigenliki toghrisida ulargha melumat bermigenlikini xewer
qilghan idi.
Bu yil ayali we üch balisi bilen birlikte Özbekistandiki uruq- tuqqanliri
bilen körüshüsh üchün Özbekistanni ziyaret qilghan Hüsenjan qarim 27 - mart
küni Tashkentte üzbék dairiliri teripidin tutulghan.
Kanada hökümiti, Kanada puqrasi bolghan Hüsenjan qarimning Özbek dairiliri
teripidin tutulghanliqigha qattiq naraziliq bildürüp, Özbekistan hökümitidin
uning derhal qoyup bérishini telep qilghan hemde uni qutquzush üchün
diplomatiye paaliyetlirini dawamlashturmaqta idi.
Siyasiy paaliyetliri tüpeyli 1990- yililirining otturilirida chetelge
qéchishqa mejbur bolghan Hüsenjan qarim, 2001- yili Kanadagha kélip siyasiy
panahliq telep qilghan. (Qanat).
|