Xitay Hökümitining Rabiye Qadir Perzentlirini Qolgha Alghanliqi Munasiwiti Bilen Namayishlar

2006.06.23 RFA

Uyghur milliy herikitining rehbiri Rabiye Qadir xanimning üch oghli qahar abduréhim, ablikim abduréhim we alim abduréhimning Xitay hökümiti teripidin bölgünchilik, dölet hakimiyitini aghdurushqa urunush hemde baj oghrilash qatarliq jinayetler bilen eyiblinip qolgha élinghanliqi we qizi roshengül abduréhimning nezerbent qilinghanliqi, chetellerde paaliyet élip bériwatqan Uyghur teshkilatlirining hemde xelqara kishilik hoquq teshkilatlirining qattiq tenqidige uchrimaqta.

Rabiye xanimning qizi eqide qérindashlirining
resimini tutqan halda washingtonda namayishta. RFA

Uyghur teshkilatliri, Xitay dairilirining Rabiye Qadir xanimning perzentlirini qolgha élish arqiliq uning chetellerde élip bériwatqan paaliyetlirining aldini élishni meqset qilmaqta, déyishmekte

6‏-ayning 23‏-küni chetellerde paaliyet élip bériwatqan Uyghur teshkilatlirining orunlashturushi bilen her qaysi döletlerdiki Xitay elchixaniliri aldida naraziliq namayishliri ötküzüldi.

Amérika Uyghur birleshmisining orunlashturushi bilen amérikining paytexti washngtondiki Xitay elchixanisi aldida, dunya Uyghur qurultiyining chaqiriqi bilen Germaniyining München shehiridiki Xitay konsulxanisining aldida, kanadaning toronto shehiridiki Xitay konsulxanisi aldida, norwigiyining paytexti oslodiki Xitay elchixanisi aldida, shwétiyining paytexti stokgolm diki Xitay elchixanisida aldida namayish élip bardi..