Yawrupa Sherqiy Türkistan Birlikining Saylimi Ötküzüldi

2006-03-05 – küni, Yawrupa Sherqiy Türkistan birlikining 15 – qètimliq saylimi Germaniyining München shehride ghelibilik ötküzüldi.

Saylamdin ilgiri, yawrupa Sherqiy Türkistan birlikining ikki yilliq xizmet xulasisi anglap ötüldi. Maliye mesilisidin tepsili doklat bèrildi we qolgha keltürgen utuqlar mueyyenleshtürüldi.

Saylamning saghlam èlip bèrilishi üchün, deslepte üch kishilik saylamgha yitekchilik qilish hey`eti saylap chiqildi. Uyghur jamaitining saylam heqqidiki pikirlirige toluq ètibar bérildi. Eslidiki teshkilat mes`ulliri wezipisidin istipa qildi.

Germaniyidiki yüzligen Uyghur jamaitining ishtirakida ötküzülgen bu saylam, toluq Dèmokratik pirinsiplargha asaslanghan halda èlip bèrildi.

Bügünki erkin saylamda, Dunya Uyghur Qurultiyining bash katiwi Dolqun Eysa ependi toluq awaz bilen Yawrupa Sherqiy Türkistan birlikining Reislikige saylandi. Ablimit Tursun ependi we Eniwer Abdukèrim ependiler Muawin reislikke saylandi. Yawrupa Sherqiy Türkistan birlikining bash katipliqigha Erkin zunun, Maliye xizmiti mes’ulliqigha Umut Tursun saylandi. Bulardin bashqa Teshkilatning 6 neper daimi hey`et ezalirimu yighin ishtirakchilirining Dèmokratik saylimi bilen belgilendi.

Teshkilat daimi hey`et ezaliri: Batur Abdurèshit, Gülnar Qurban, Esqer Tursun, Abduweli Almas, Melike Rustem, Munire Almas qatarliqlardin ibaret.

1990 – yili Erkin Aliptèkin ependi yitekchilikide qurulghan bu teshkilat, yillardin bèri Yawrupa miqyasida Sherqiy Türkistan dewasini belgilik rewishte yürgüzüp kelgen. Uyghur dewasining yawrupada tonulishigha zor hesse qoshqan. 15 yilliq siyasi mujadile tejribisige ige bu teshkilat hazir Dunya Uyghur Qurultiyining Tayanchi küchliridin biri hèsaplinidu.

DUQ Neshriyat-Teshwiqat Merkizi

2006-yili 3-ayning 5-küni