Poyiz, Xitay Aqqunlirining Sherqiy Türkistangha zeherlik chekimlik yötkeshtiki asasliq wastisi

Sherqiy türkistan xelqi tömür yol leniyesi we poyizni kommunist Xitay hakimiyitining Sherqiy türkistangha Xitay köchmini yötkeydighan we Sherqiy türkistandin talan – taraj qilinghan maddi bayliqlarni Xitaygha toshuydighan asasliq waste dep qarap kelgen idi. Emdilikte bolsa Tömüryol we Poyiz, Xitay aqqunlirining Sherqiy Türkistangha zeherlik chekimlik yötkeshtiki asasliq wastisigha aylinip qalghan.

< Xinhua axbarat agentliqi > ning 2 – ayning 23 – küni bergen xewirige asaslanghanda, Xitayning Chengdu, Chongqing we Xenkou qatarliq jayliridin ürümchige tutushidighan tömür yol leniyesi Xitay etkeschilirining Sherqiy türkistangha zeherlik chekimlik yötkeydighan asasliq leniyesige aylanghan bolup, bu rayongha kiridighan zeherlik chekimlikning mutleq köp qismi yolochilar poyizi arqiliq toshup kelinidiken.

Bu yilliq chaghan mezgilide ürümchi sheherlik saqchi idarisi 4 ayliq charlash elip berish arqiliq, uzun mezgildin buyan yolochilar poyizi arqiliq Ürümchige zeherlik chekimlik yötkep setiwatqan Wu Da Ming isimlik xitay etkeschi bilen unung 13 neper sherikini 3600 giram xeroyin bilen qoshup qolgha chüshürgen.