Qeshqerning paxtekli yézisida ayallarning hamildar bolushigha ruxset qilinmaydu

Xitay hökümiti hamildar ayallarning balisini mejburi éliwétishke bolmaydu, dep qanun chiqarghan bolsimu, emma uyghur aptonom rayonining jenubidiki yézilarda hamildar ayallarni mejburi opératsiye qilish dawam qilmaqta.
"Qeshqer géziti" ning xewerqilishiche, uyghur aptonom rayonining qeshqer wilayitidiki paxtekli yézisining özidila bu yil mejburi bala aldurghan yaki mejburi üzüki saldurghan ayallarning sani 4125 ke yétidiken.
Sherqiy türkistan uchur merkizi, bu sanni paxteklining nopusigha sélishturghanda kishini chöchitidu, dep körsetti. Sherqiy türkistan uchur merkizining bayanatchisi, bu ehwalning paytexli yézisi bilen cheklenmeydighanliqini bildürmekte.
Bayanatchining eskertishiche, aqsuda ayqul baziridiki bazar partiye yachiykisining intizam ishlirigha jawabkar sékritari erkin yasin, hamildar ayallarning balisini chüshürüshke yitekchilik qilidiken. U, inisining ayali 3 - Balisigha " pilansiz hamildar bolghanliqi" üchün balisini mejburi aldurghan.
Uchur merkizining tekitlishiche, xitayning uyghurlargha qaratqan tughut cheklesh siyasiti " istratégiyilik meqset" ke igiken. (Erkin)