Xinjiangda 5 xil Gezit – Jornal Xitay Hökümiti Teripidin Mejburi Toxtitiwetildi

“Xitaygha qarang” namliq internet gezitining 25-mayda bergen xewiri. Xinjianga musteqilliqi bilen shughullinidighan Sherqiy Türkistan uchur merkizining bügün bildürishiche, Uyghur aptonom rayonluq axbarat – neshiriyat idarisi yeqinda jemiyette sezgür siyasi mesililerni xewer qildi digen bahane bilen 5 xil gezit- jornalni hökümet qanunsiz neshir buyumliri dep bekitip mejburi toxtitishqa buyruq qilghan. Cheklep qoyulghan gezit- jornallar töwendikiler:

1.Xitay nefit shirkiti Xinjiang Ürümchi setish- tarmaq shirkiti Yinning elan- yetküzüsh hessidarliq shirkiti mes’ulliqida neshir qilin’ghan “Sheher roli”namliq jornal.

2.Jornal ruxset nomuri ISSN1680-662X, Xianggang buyuk sayahet qosh ayliq jornili mes’ulluqida neshir qilinip, Xinjiang quyun korgezme soda cheklik shirkiti neshir qilghan “Güzel hayat” namliq jornal.

3. Besishqa ruxset qilish nomuri 0057 Xinjiang ichki matiriyalliri (jornal)bolup, Ürümchi sheherlik haraq- sharap kespiy jemiyiti igidarchiliqidda bolup, Ürümchi sheherlik sodaxumar elan teshwiqat cheklik shirkiti neshir qilghan “Haraq sodigiri” namliq jornal.

4.”Xinjiang yashliri” jornili idarisi igidarchiliqida, “Xianggang iqtisadi munazire” neshiryatida besip tarqitilidighan dölet ichi ijazetname nomuri CN65-1159/C bolghan “Harwakesh malay” namliq jornal.

5. Xinjiang Ürümchi asayish soda- setiq cheklik shirkiti neshir qilip kelgen Renglik hayat“ namliq jornal.

Sherqiy Türkistan uchur merkizidin Erkin Mohammet xitay hökümitining memuri belgilimilerdin paydilinip kishilerning pikir qilish erkinligi we axbarat erkinligini cheklewatqanliqini, puqralarning hökümet kontirolliqidiki uchurlardin bashqa axbarat- uchurlargha erishishini cheklewatqanliqini eyiplidi.

Sherqiy Turkistan Information Merkizi
Erkin Mohammet