Australiye Sherqiy Türkistan Jemiyiti Ghulja Pajiesini Eslesh Paaliyiti Ötküzdi

Australiye Sherqiy Türkistan Jemiyiti xewiri. Xitay komunist hakimiyitining 1997-yili 5-fewralda wetinimiz Sherqiy Türkistan ning Ghulja shehride Uyghur yashlirini wehshilik bilen qirghin qilghanliqining 8 yilliqini xatirilesh yighini Awistiraliyening Adelaide shehridiki Morialta tebii baghchisining yighin zalida ötküzuldi.

Bu xatirilesh yighini 2005-yili 5-fewral küni Sherqiy Türkistan Australiye jemiyiti teripidin uyushturulup, yighin’gha jemiyet reisi Demiyan Rehmet riasetchilik qildi.
Yighin zaligha Australiyening bayriqi bilen Sherqiy Türkistan ning ay-yultuzluq kok bayriqi esildi we munberning keynige “1997-yili 5-fewral küni Xitay komunist hakimiyiti teripidin wehshilerche öltürülgen shehitlirimizni chongqur qayghu bilen esleymiz”-digen chong xetlik teziye sözi yezildi.

Yighin’gha Australiye Adelaide Sherqiy Türkistan jemiyiti ezaliri we jamaitidin bolup 50 din artuq kishi qatnashti. Uningdin sirt teklip bilen Amerikidin Prof. Yitzhak Shichor we Adelaide Türk tili mektiwining mesulliri qatnashti. Yighin shehitlirimizning rohigha oqulghan xetme quran bilen bashlinip, andin Demiyan Rehmet söz qildi. U sözini emeliy pakitlar bilen 5-fewral weqesining kelip chiqishi we echinishliq aqiwitini sözlep, komunistik Xitay hakimiyitining chekidin ashqan jinayetlirini ghezep bilen shikayet qilip, ularning bu qan qerzliri üchün dunya xelqi we Uyghur xelqi aldida jawap beridighan bir künning choqum yetip kelidighanliqini bildürdi…

Sherqiy Türkistan xelqining erkinlik, azatliq we musteqilliq kürishi dunya tenchliqini qolgha keltürüsh küreshlirining muhim terkiwi qismi,-dep körsetti.

U sözining axirida, nowette Uyghur millitining mewjutluqi wetende eghir tehditke uchrawatqanliqini tekitlep, milletni qutuldurush, wetenni azat qilish üchün jemiyet ezalirini dilda, pikirde, ishta bir bolushqa chaqirdi. 5-fewraldiki qanliq basturush we komunistik xitay hökümitining wetinimizning Lopnur rayonida elip barghan yadro sinaqlirining radiaktip nurlirining tesiridin meyip boluwatqan, hayatidin ayriliwatqan Uyghur dehqanlirining echinishliq ehwali elin’ghan video filimi körsitildi.Andin 5-fewral pajiesige shahit bolghuchilar wekili sözlidi.

Teklipke binaen, Prof. Yitzhak Shichor sözge chiqip 5-fewral weqesi, Tienenmin weqesidin keyin yüz berdi, eger tarixi tejribiler yekünlen’gen bolsa bu xil qurban berishning aldini elish mumkin idi,dep körsetti. U yene musteqilliqtin ibaret bir nishan, bir ghaye, bir meqsetni unutmasliqimizni tekitlidi. Yighin Küresh Sultanning “Shehitlerni esleymen”- digen mersiye mungi ichide axirlashti.

Sherqiy Türkistan Informatsion Merkizi
Ertekin
2005-yili 2-ayning 16-küni