Yaponiyening Muawin Tashqi Ishlar Ministiri Türkmenistanni Ziyaret Qildi

     Yaponiyede chiqidighan “Mainichhi Shinbun” (Kündilik Gezit) ning muxbiri Machida Yukihiko ependining 18-yanwar Türkmenistanning paytexti Ashxabattin bergen xewirige qarighanda, Yaponiyening muawin tashqi ishlar ministiri Aizawa Ichhiro ependi 17- yanwar paytext Ashxabatta Türkmenistan pirizdenti Niyazop bilen 1 yerim saet söhbetleshken. Yaponiye tashqi ishlar muawin weziri Aizawa Ichhiro ependi Yaponiyening Türkmenistanda turushluq elchixanisining qurulghanliqi munasiwiti bilen ikki dölet munasiwetlirini kücheytish arzusining barliqini bayan qilghan. Türkmenistan pirizdenti Niyazop ependi “Yaponiyedin teximu köp sahede iqtisadi yardem we hemkarliqni ilgiri sürüshni kütidighanliqi ” ni bildürüsh bilen bille Yaponiyening BDT bixeterlik kengishige daimi eza bolup kirishini qollaydighanliqini bildürgen.

     Aizawa Ichhiro ependi bilen bolghan söhbette, Yaponiye teshebbus qiliwatqan “ottura Asiya + Yaponiye” ning dialogi dep atalghan yengi munasiwet pilani chüshendürülgen. Pirizdent Niyazop buning ehmiyitini mueyyenleshtürüp “ottura Asiyadiki 5 dölette bir-birige oxshimaydighan ehwallar bar” dep tekitlep, köp döletler arisidiki munasiwetlerde ehtiyatchan bolush kerekligini otturigha qoyghan.

     (“Mainichhi Shinbun” gezitining 2005- yili 1-ayning 18-künidiki sanidin Ertekin terjime qildi).