Teziyename

< Sherqiy Türkistan Inqiwiy Milliy Birlik Sépi > Rehberlik Hey’itige,

Pütün Hayatini sherqiy türkistan xelqining Milliy musteqilliq kürishige atighan, Axirqi tiniqlirighiche xelqimizning Hörlük we azatliqi üchün ter tökken Eqidimen, ihlasmen, mert – merdan Mujahidimiz, wetenperwer yazghuchi we tarihchimiz, xelqimizning mehnetkesh batur oghlani, < sherqiy türkistan inqilawiy milliy birlik sepi > ning reyisi merhum Yüsüpbeg Muhlisi ependining alemdin ötkenlik hewirini anglap intayin qayghurduq we chongqur epsuslanduq, Millitimizning beshi saq bolsun, merhumning yatqan yeri jennet bolghay !
Merhumning wapati munasiwiti bilen, uning uzuzn yilliq sebdishi we wapadar, sadiq, köyümchan hanimi Talife hanim bashliq barliq uruq – tuqqan, ayile – tawabatliridin, merhum yashiqan Qazaqistandiki barliq uyghur jama’itidin,jümlidin merhumning riyasetchilikde qurulghan < sherqiy türkistan inqilawi Milliy birlik sepi > ning barliq ezaliridin semimiy hal soraymiz we janabi allahtin sewir tileymiz !
Merhum Yüsüpbeg Muhlisi ependi heqiqetenmu Millitimiz üchün hizmet qilishqa yaralghan, keche – kündüzini weten – milletning ghemide ötküzgen heqiyqi bir küreshchi idi, uning weten piraqida ötken pütkül hayati xelqimizni jengge, ghayige, ümitwarliqqa ündeydighan ölmes bir dastan idi, uning wapati, xelqimiz we Milliy kürishimiz üchün zor bir yoqutushtin ibaret !
Qedirdan sebdishmiz Yüsüpbeg Muhlisi ependi yashliq chaghliridin tartipla Milliy musteqilliq kürishimizning aldinqi sepliride yer alghan, 40 – yillardiki Milliy inqilap dewride Milliy qoshunimizning eng aktip we awangart jengchiliridin biri idi. u, 60 – yillarda hijret qilip Soweyt ittipaqigha chiqqandin keyinmu özining esli ghaye we meqsetlirige, shundaqla xelqimizning musteqilliq arzu – isteklirige sadiq qalghan, 60 – yillardin taki taki sowet ittipaqi parchilanghan 90 – yillarning bashlirighiche bolghan intayin murekkep ichki – tashqi weziyet we heterlik mohit ichidimu yene Milliy iradisidin qilche boshashmay, yüksek gheyret we shija’et bilen Milliy kürishini dawamlashturghan idi.
Merhum Küreshchimiz Yüsüpbeg Muhlisi, hem öz millitini söygen, hem öz millitige qandash we dindash bolghan türkiy heliqlerge bolghan muhebbet we ihlasmenliktin waz kechmigen alijanap shehis idi, merhumning, Sabiq soweyt ittipaqi parchilinip, ottura asiya türk jumhuriyetliri arqa – arqidin musteqilliqqe érishkendin kéyin, bu rayonda bash kötergen yerlik milletchilik hayishlirigha pisent qilmay, özi qurghan teshkilatida < sherqiy türkistan > ismini qollunup, Qazaqistandiki yerlik partiye – gurohlar bilen paal türde hemkarliq munasiwiti ornatqanliqi, shundaqla pütün ottura asiya milletlirining hayatigha munasiwetlik < Lopnur – Newada shemey > atom siyaqlirigha qarshi keriketni qozghighanliqi, uning insaniy pezilitini ispatlap turmaqta.
Xitayning teshebbusi bilen < Shanghai hemkarliq teshkilati > qurulghandin kéyin, Xitayning ottura asiya jumhuriyetliridiki siyasi, iqtisadi we herbiy tesiri üzlüksiz küchiyip, sherqiy türkistangha hoshna ellerde paaliyet elip beriwatqan uyghur teshkilatliri tarihta hech körülüp baqmighan derijide eghir siyasi besim we türlük tehditlerge duch kelgen, hetta bezi meshhur siyasi paaliyetchilirimiz qarangghu küchler teripidin qestke uchrighan idi, bolupmu < 11 – sintebir weqesi > din keyin, Xitay hökümiti heliqara terorizimgha qarshi heriketni süyistimal qilip, < terorizimgha ortaq qarshi turush > digen niqap astida, Qazaqistan we qirghizistanlarda elip beriliwatqan milliy heriketlirimizge qaratqan hujumlirini kücheytken idi, mana mushundaq eghir we heterlik ehwal astidimu merhum Yüsüpbeg muhlis ependi Milliy iradisidin qilche boshashmay, tehimu zor gheyret, irade we shijaet bilen Milliy küresh sepige aktip atlinip, yashlirimizgha jasaret behish etish bilen birge, Düshminimizning bu rayonda yürikige qadalghan henjerge aylanghan idi.
Milliy musteqilliq kürishimiz Xuddi merhum Yüsüpbeg muhlisigha ohshighan qet’ti iradilik, tewrenmes, pidakar, ihlasmen, ümitwar oghlanlargha muhtaj, u heqiqetenmu Milliy mujadile qoshunimizdikilerning, bolupmu yashlirimizning tipik ügünüsh ülgisi, Milliy herikitimiz we ezilgen xelqimiz Minglighan Yüsüpbeg Muhlisilargha Muhtaj !
Ahirida janabi allahtin merhumgha jennet, ayilisidikilerge rehmet tileymiz.

< Dunya Uyghur Qurultiyi > namidin:

Reyis Erkin Alptekin

< Sherqiy Türkistan Informatsiyon Merkizi > namidin:

Reyis Abdul Jelil Qaraqash

< Yawropa Sherqiy Türkistan Birliki > namidin:

Resiy Esqerjan

2004 – yili 8 – ayning 10 – küni
Germaniye - München