Esqer Geniss Rekorti Yaratti

ETIC universal xewiri, Alimjan München 25-april
2-april, Sherqiy Türkistanliq bürkitimiz Uygur millitining pexirlik yigiti Esqer „yüksek igizlikte yashash“ geniss rekortini yaritip millitimiz üchün shan sherep qazandi. Weten sirtidiki Uygurlar kechikip xewer tapqan bolsaqmu, bu qisqa xewirimiz arqiliq uninggha bolghan hörmitimizni bildürimiz. Xitay axbarat wastilirining 3-aprildiki xewiride mundaq diyilgen: 27 kün ayighi yerge tegmigen bolsimu, Esqer dar arghamchésidin yerge chaqqanliq bilen chüshti, u yerge chüshéshi bilenla mexsus „xinjiangdin“ uning bu ghelibisi üchün kelgen wetendashliri teripidin oriwelinip uning boynigha gül halqisi esilip beshida kötirilinip tagh töwinige elip chüshildi. Esqer muxbirlargha mundaq digen: igizliktiki bu 27 künning her künide digidek xeter mewjut bolup, boran chiqish, polat dar arghamchési boshap ketish, soghaq hawa eqimi hem kichik öyde qisilish qatarliqlar uninggha nurghun awarchiliqlarni keltürgen. bir künde peqetla 3 saet uxlighan, uning birdin bir oyi: choqum ghelibe qilishim kerek, herqandaq qiyinchiliqlargha chidishim kerek bolghan. yerge chüshkendiki uning birinchi teliwi nahayiti addi boghan: wetinimning ziq kawabini bekmu seghindim, 15 ziq yimisem xumardin chiqmaymen. u hazir „yüksek igizlikte yashash“ geniss rekortining saqlughichési bolsimu, sharait pishsa yer yüzidin 3000 metir igizliktiki yéngi rekortni yaritishqa jeng élan qilidiken. bu polat dar arghamchésini tartishqa 270000 yuan kétidiken.