XITAYDIKI AYALLAR WE KISHILIK HOQUQ

(Xitaydiki bala çüxürüx üzük silix orunlirigha mejburi elip birilghan bir anining yürek sözi)

RUQIYE HAJIM

     Ötken hepte Amerka hökümiti élan qilğan 2003 - yilliq kişilik hoquq doklatini anglap hiyallirim qanatlandi. Yiraq yurtumdiki mejburi bala çüşürüş, üzük séliş orunlirida ingrawatqan yaş anilarning éçinişliq awazi qulaq tüwümde zaye bolğandek bilindi. Hazir Germanyede yaşawatimen qusuğumdiki jan jigirimni élip qéçip kelginimge birneççe yil bolup qaldi. Ene Xitayda <<pilan sirtidiki bala >> dep qarilip qosaqtila bir terep qiliwétiléş girdawiğa bérip qalğan jan jigirim yinimda tatliq puşuldap uhlimaqta. Hazir nérplirimmu eslige kilip hayatqa tolup taşqan işenç bilen baqidiğan bir ayal boluş yolida kitiwatimen. Ilgiri kéçiliri uxliyalmayttim közümni yumsamla Xitaydiki héliqi bala çüşürüş, üzük séliş orunliridiki sörün tilet doxturlar, balaçüşürüş qiriş eswapliri, şaraq şuruq awazlar içidin talliniwatqan üzükler qayçilar bala yatquğa siliniwatqan zapçaslar, tamlarğa ziç qadalğan teğdirnamiler uningğa yézilğan yilliq bala çüşürüş wezipisini aşurup orunliğan pilanliq tuğut sipidiki qoli çiwer jengçige, wilayitimiz boyiçe ayallarğa üzük séliş mahiri, üzük séliş musabiqiside 1-bolğanliğingiz üçün teğdim digendek sözler, uzun öçrette turup ketken ayallar, qolliriğa kiygen uzun rizinke peleyliri bilen jahalet dewridiki jallatlarni eslitidiğan dohturlar, tatarğan çiraylar, san qoğluşuşning qurbani bolup ketken anilar ..........hemmisi qoşulup köz aldimda xuddi bir qabahetlik kinu filimidek namayen bolatti allağa ming şükür oğlum ikkimiz qéçip qutulduq emma...........
Igiz binaning üstünki qewitige jaylaşqan öyümning balkunidin bu tereqqi qilğan Germanye döwlitining kiçilik menzirsige nezer salğinimda lirik muzikilar bilen gireleşken ayallar we balilarğa bolğan çeksiz söygü we muhebbet körünüşliri bir tereptin hayatqa bolğan işençemni aşursa yene bir tereptin wetinim ayallirining ehwalidin yürügümni örteydu...Ene qarang pütün şeher ayallar üçün mulazimetke teyyarlanğandek, pütkül söygü ayallar üçün yaralğandek ene yaş ana maşinisini heydep keldi uni kütüp turğan eri bilen balisi uni quçaq quçaq güllerge pürkidi, qatnaş, yimek içmek mulazimet sorunlirining hemmisi ayallar üçün tazim qilmaqta......ah Uygur ayalliri qaçanmu wehimisiz, dert piğansiz hör dunyaning aniliriğa aylinarsen he?
Bügün xoşnilirim nahayiti rahetsiz körünetti ular paypitek bolup kétişti sewebini sürüşte qilip bildimki bir it bağçida zehmilengen iken birdemde nurğun adem toplandi saqçilar we haywanlarni qoğdaş jemiyetliri hadimliri itni derhal dawalaş orunliriğa élip ketti. kéyin uqsam it ölüp qaptu xelq itning ölüşidiki sewepni saqçilar we munasiwetlik tereplerning wahtida kelmigenligi dep qariğanliği üçün ular telewizurda ammidin epu soridi .
Gerçe men bir ana öz yürek paremni élip hör dunyağa qiçip kileligen bolsammu lékin wetinimdiki milyonliğan anilar adettiki héq hoquqlirinimu yürgizelmey jallat dohturlarning qurbani bolmaqta .