Weziyet Heqqide Tehlil ( 2 )

Aptori: Uygur Sadasi

     Erkin Aliptikin efendi öz istipanamisida “ Şerqiy Türkistan Uygur Qurultiyi” ğa teyyarliq körüş komititining içki qismida we öz etirapida yüz bériwatqan pikir ixtilaplirini, bu xizmettin istipa bérişke mejbur qilğan seweplerning biri qatarida tilğa alğan.
Toğra, pikir ixtilapi digen dayim yuz berip turidiğan ehwal, adette bir ailidimu öz ara ixtilaplar bolup turidu-yu, şunçe köp teşkilatlar arisida bundaq ehwallarning yüz bermesliki mumkinmu ? burunqisini qoyup turayli, 1992 – yildiki Istanbul qurultiyida pikir ixtilapliri bolmiğanmu ? eger pikir ixtilapliri bolmiğan bolsa, Erkin Aliptikin efendi şu çağda yiğin zalidin nimişqa çiqip ketken idi ? uningdin kéyinki her qétimliq qurultay yaki yiğinlarning qaysi biride pikir ixtilapliri bolmiğan ? şundaq diyişke buludiki, pikir ixtilapliri digen buningdin burun bolğan, hazirmu boluwatidu, şundaqla buningdin kéyinmu dawamliq bolup turidu. Bu yerdiki asasliq mesile, rehber yaki ledir bolğuçining içki qisimda yüz bergen pikir ixtilapliriğa qarita, pirinsipal mesililerde muresse qilmasliq, asasliq ziddiyet bilen qoşumçe ziddiyetlerning perqini ayriwiliş, musteqilliq inqilabining tup menpe'etini çiqiş noqtisi qilğan asasta ittipaqliqni birinçi orunğa qoyuş, talaş – tartiş qiliniwatqan mesililerge esiliwalmasliq, öz köz qaraşlirini başqilarğa zorlap tangmasliq, teşkilat yaki rehberlik qatlimi içide ohşimiğan pikirlerning buluşiğa yol qoyuştin ibaret heqiqi demukiratik pirinsiplarğa özi başlamçiliq bilen riaye qiliştek rehberlik sen'itini mukemmel igelligen buluşidin ibaret.
Epsuski, adettiki pikir ixtilaplirini ulğuytip, yaki şeh'si ziddiyetlerge aylanduriwilip başqilarğa zerbe berişni kesip qiliwalğan, özining nam – abroyini dep musteqilliq körişining istiqbalini nabut qiliwitişke teyyar turidiğan, musteqilliq teşkilatlirini özining qolidiki mezhepçilik, gurohwazliq quraliğa aylanduriwalidiğan, milli inqilabning eng eqelli neziryiwi sawatliridinmu hewersiz bolğiniğa qarimastin udul kelgen yerde ağziğa kelgenni joylup, walaqlap yüridiğan atalmiş “ledirlar” arimizda az emes. Bundaq ademlerni yalğuz Germaniyedinla emes, Amerkidinmu, Türkiyedinmu, Ottura Asiyadinmu tapqilini bolidu.
Töwende biz Erkin Aliptikin efendi bilen Esqerjanning Almatada neşir qiliniwatqan gezitlerge bergen intiryuliriğa nezer silip koreyli;
Muhbirning “ Shinjangda yaşawatqan Uygur xelqining mesilisige qarita şex'sen sizning köz qarişingiz qandaq ?” digen sualiğa Erkin Aliptikin efendi mundaq jawap bergen:
“ Eger Şerqiy Türkistan mesilisi toğrisida bolsa, “ UNPU” assambiliyesining baş sikiritari qatari ularğa içinimen .” mana bu Uygur xelqining lediri dep tonulğan erbapning öz nöwitide xelqning uningğa bolğan hörmitige qayturğan jawabi.
Mana bu şunçe yillardin buyan, Uygur musteqilliq herkitige Erkin Aliptikin baş bolsa, hemme işlirimiz yürüşüp kétidu, digen umidte yürgenlerning ağziğa urulğan şapilaq!
mana bu Şerqiy Türkistan milli musteqilliq inqilawining atalmiş “şeyhul islami” ning peşide namaz oquşni arzu qiliwatqan momin musulmanlarning taharetlirini sunduridiğan nijaset!
Mana bu Erkin Aliptikinning xelq’aradiki abroyidin paydilinip, Uygur musteqilliq herkitini alğa yukselduruşni qelbige pukken aqkongul kişilerning qelbige tamçiğan zeher!
Uygur xelqi şunçe yillardin buyan hörmetlep kéliwatqan bu ataqliq erbaptin şundaqla bir “ içiniş” ni kütkenmidi ?!!!
Erkin Aliptikin efendi we Esqerjan qatarliqlarning maqale –nutuqlirida, “ biz mesilini ténçliq yoli bilen hel qilişni xalaymiz” digendek sözler tola uçraydu. Bezi ademlerning muşundaq bir mewhum uqumni imizge qiliwilip, başqilarni koldurlutup kéliwatqiniğa xéli yillar bolup qaldi. Qéni sorap köreyliçu; mesilini ténçliq yoli bilen hel qilişning pirinsipliri nimilerdin ibaret ? bu pirinsiplar qandaq neziriyewi asaslarni özige yitekçi qilğan ? bu mesilide Esqerjanni yaş, hesiyatqa bérilip kitip, başqilarning ağzidin çiqqan qulaqqa yeqimliq geplerni yadiliwilip, kelse – kelmes işlitip yüridu, dep keçuriwetkili bular. Biraq uzun yillardin buyan musteqilliq körişining qazanlirida qaynawatqan, bir qisim çet'ellikler we Uygur xelqining neziride siyasion, deplumat digen namlarning igisi bolğan Erkin Aliptikin efendi nime üçün özi ağzidin çüşürmeydiğan bundaq bir uqumning musteqilliq körişi jeryanidiki ijabi roli we selbi tesirliri heqqide xelqqe çüşençe bérişni oyluşup baqmaydu ?
Esqerjanning metbuat yüzide aşkare halda Qehriman Ğujamberdi we başqa pişqedem inqilabçilarni qarilişi, aldinqi yillarda Amerikida yüz bergen Enwer Yusup hemde Turdi Ğuja qatarliq paaliyetçilirimiz üstidin toqulğan pitne – éğwa tusini alğan siyasi ziyankeşliklerning hélimu dawam qiliwatqanliqini körsütidu .
Ottura Asiya döletliride yaşawatqan Uygur xelqi Qehriman Ğujamberdini yahşi bilişidu we çüşünidu. Qehriman Ğujamberdi özining uzun yilliq siyasi hayatida wetenning musteqilliqi, Uygur xelqining hörlükidin ibaret muqeddes arzu – armanlar yolida köreş qilip keldi. Gerçe siyasi köreşler dawamida undaq yaki mundaq kemçiliklerdin xali bulalmiğan bolsimu, emma muhim bolğan zor siyasi mesililerde u ezeldin pirinsiptin çetnigen emes. Şundaq diyişke buliduki, u özining yüksek ehlaqi – peziliti bilen Qazaqistanda yalğuz Uygur xelqila emes, belki başqa millet xelqliriningmu hörmitige sazawer bolğan. Ottura Asiyada yaşawatqan Uygur xelqi özining Qehriman Ğujamberdidek oğlanlirining bolğanliqi bilen pehirlinidu.
Qaysidur bir danişmenning mundaq bir jumle sözi bar ; “bürkut bezide tohudinmu pes uçuşi mumkin, emma tohu meng'gü bürkuttek kökte perwaz qilalmaydu .” Uygur xelqi we Şerqiy Türkistan milli inqilabi Qehriman Ğujamberdidek burkutlerge muhtaj.
Hörmetlik Erkin Aliptikin efendi, eger bu tehlilimiz sizning qéningzni qaynitip, qolingizdiki istipanamini yirtip taşlişingizğa, qaytidin orningizdin des turup, janijan xelqingiz kütken büyük birlikni emelge aşuruş yolida tigişlik rolingizni jari qilduruşingizğa az- tola türtkisi bulup qalsa ejep emes. Konilr éyitqandek “ tatliq sözning hemmisi hesel emes, aççiq sözning hemmesi zeher emes” .
Yaşinip qalğanliqingizni çüşünimiz, biraq, milli inqilabning muqeddes toğini kéyinki ewlatlar qoliğa yetkuzuş, inqilab pişiwalirining eng yüksek burçi !
Keçürüng, “ dostung yiğlitip éytar, düşmining küldürüp” . Bu hasiyetlik kelime hemmimizge ortaq.
Alladin téningizge salametlik, kesilingizge şipa tileymiz.