Türkiyening Paytexti Enqerede Xitayğa Qarşi Namayiş Ötküzüldi

Öz xewirimiz: 8-Mart dunya xotun-qizlar bayrimi munasibiti bilen, Türkiyening paytexti Enqerediki Xitay elçixanisi aldida 3-ayning 8-kuni çüştin ilgiri " Şerqiy Türkistan Medeniyet we Hemkarliq Jem’iyiti "ning orunlaşturşida sa’et 11 din başlap Enqerede turuşluq Uygurlar we Türk qerindaşlar birlikte Xital hökümitining Şerqiy Türkistandiki Uygur ayallar, qizlar we balilarning kişilik hoquqini depsende qilğanliqiğa qarşi namayiş ötküzdi.
Bu qetimqi namayişni Türkiyediki Şerqiy Türkistan medeniyet we hemkarliq je’iyiti teşkilligen bolup, namayişqa 50 tin artuq kişi qatnaşti.
Namayiş iştirakçiliri Şerqiy Türkistan we Türkiyening dölet bayriqi, Xitayğa qarşi herxil şo’arlar yezilğan taxtilarni kotirip Ğazi Osman paşa mehellisiki Xitay elçixanisi aldida ünlük şo’arlarni towlidi, Şerqiy Türkistan medeniyet we hemkarliq jem’iyiti Enqere şöbisining başliqi Heyrullah Efendigil wetinimizdiki ayallarning kişilik hoquqining depsende qiliniş ehwalini, Xitaylarning pilanliq tuğut siyasiti arqiliq wetinimizde faşistik qirğinçiliq yürgüzüş bilen bir waqitta Xitaydin türkümlep köçmen yötkep keliwatqanliqini qattiq eyiplidi. Komunist Xitay hökümitining Şerqiy Türkistandiki mustemlike hakimiyitini ağdurup taşlaş, Xitay köçmenlerning wetinimizge eqip kirişige qarşi turuş, pilanliq tuğut siyasitige qarşi turuş, Qeşqer wilayitide yüz bergen yer tewreş apitige bérilgen insanperwerlik yardem pulliri we maddiy eşyalarni çeriklişip ketken komunist Xitay emeldarlirining xiyanet qilğanliqiğa naraziliq bildürüş, Uygur ayallirining yeng’giş mezgili yeqinlişip qalğanliqiğimu qarimay, jinayetçilerge oxşaş mejburi doxturxanilarğa yaalap élip bérip dunyağa köz eçiş aldidiki bowaqlarni qetli qiliş bilen bille anilarning insaniy izzet ekramiğa haqaret qiliş, rohi jehette we jismaniy jehette tügimes azaplarğa duçar qiliştek faşistik qilmişliri paş qilin’ğan wiwiskilarni kotirip juşqun keypiyat içide namayiş dawamlaşti. Namayiş axirlişiş harpisida aldin teyyarlan’ğan qara renglik gülsiz çembirek Xitay elçixanisining derwazisiğa yölep Xitay hökümitige sowğa qilindi.
Xitay elçixanisikidi jasuslar renggiliri tatarğan halda binaning 1- we 2-qewitidiki derizidin we yolda turup namayiş qatnaşquçilirini resimge élip, keyinki waqitlarda öç eliş üçün pakit toplaş bilen bolup ketti.
Türkiyening TGRT, ATV, qanal 7 qatarliq televiziye muxbirliri, gezitxana muxbirliri, erkin Asiya radiosining muxbiri qatarliqlar namayiş jeryanini tepsili igellidi we namayiş qatnaşquçilirini ziyaret qildi.
8-Mart keçte Türkiyening ATV, TGRT qatarliq televizorlirida bu namayiş pütün Türkiyege tarqitildi.

Şerqiy Türkistan Medeniyet we Hemkarliq Jem’iyiti
2003-Yili 3-Ayning 8-Küni