Xitay Saqçi Da'iriliri Qumul Wilayitide Uygurlarni Satqunluq Qilişqa Mejburlimaqta

Öz hewrimiz: Qumul wilayitidiki herqaysi saqçixanilar 2 - ayning axiridin başlap wilayetlik jama'et hewpsizliki idarisi çüşürgen mexpiy buyruq boyiçe ilgiri siyasi jinayet bilen jazalinip qamaq jazasiğa höküm qilinip, jaza mudditi toşup qoyup berilgen we guman bilen qolğa élinip qoyup bérilgen Uygur yaşlarni mejburi saqçihaniğa élip kélip ularğa tehdit sélip “siyasi xizmet körsitiş” (Yeni Xitay saqçi da'irilirige maslişip Uygurlarning içki işlirini Xitay saqçixaniliriğa yetküzüp berip turuş) ke köndürmekçi bolğan.

Muxbirimizning telefon ziyaritini qobul qilğan saqçining diyişiçe saqçilarning delolarni paş qilişini asanlaşturuş üçün bu hile-mikirlerni tuzup çiqqan we saqçixaniğa elip berilğan Uyğur yaşlirining barmaq izi,puçurkisi qatarliqlarni qaytidin en’ge eliwalğan we çaç ewrişkisini eliwalğan.

Xitay hökümiti wetinimizge tajawuz qilip qilip kelgendin béri eng şerqtiki Qumul wilayitimizge nurğun Xitay aqqunlarni yötkep çiqip wilayet nopusining 89% ni igelliwaldi. Uygurlar peqet 10% ge çüşürüp qoydi. Ahalisi 10% ge çüşüp qalğan aşu Uygurlarning aran 20% i idara-jem'iyetlerde, karxanilarda xizmet qilip turmuşini ötküzetti, dimek, wilayet omumi nopusining aran 2% ini igelleydiğan Uygurlarning iştin boşitilişi éğir derijide bolup, Uygurlarni hayatliqtin mehrum qilmaqta.

Xitay işçi-xizmetçiler dawamliq öz orunlirida işlewergen. Xitaylar milli zulumni qatmu-qat éğirlaştirip Uygurlarni terbiyiliniş,işqa orunlişiş, normal turmuş ötküzüş pursetliridin mehrum qilip, işsizlarning nisbitini hessilep aşuriwetti, terbiyiliniş pursetliridin mehrum bolğan Uygur yaşlirini Xitay hökümiti “siyasi sapasi töwen”digen bana bilen xizmetke almidi. Bu mesile pütün Qumul wilayitide ijtima'i mesile bolup, Uygurlarning qattiq naraziliqini qozğimaqta. Aşundaq turuğluq Xitay hökümiti qara niyitini eymenmestin aşkarilap Uygur yaşlarni Uygur yoqutuşqa maslişişqa ündimekte!

Yuqarqidek mesililer başqa wilayetlerdimu oxşaşla eğir mesile bolup barliq Uygurlar qattiq narazi halette turmaqta.