Qeşqerning Maralbéşi we Peyzawat Nahyeside 6.8 bal Yertewridi

Xitayning Şinhua axbarat agentliqining bergen hewirige qariğanda, 24 - fewral etigen sa’et 8 din 3 minut ötkende Qeşqer wilayitining Peyziwat, Maralbneşi, Yopurğa, Yengişeher, Yengisar nahiyiliri we Qeşqer şehride yertewreş apiti yuzberip 24 saet içide 257 kişi ölgen,1000 kişi etrapida yaridar bolğan.

Merkizimizning igellişiçe hazirğiçe ölgenlerning sani 300 ge, eğir yaridar bolğanlar 2057 kişi, yaridarlarning omumi sani 5000 kişidin artuq bolup, 10 mingdin artuq qoy-kala qatarliq ulağ ölgen. 50 mingdin artuq öy örülüp çüşken 60 mingdin köp adem öy makansiz qalğan. Hazir Peyziwat nahiyisining tempiraturisi nol giradus atrapida bolup, bu qehritan soğaqta 60 mingdin artuq kişi öy-makansiz turmaqta.

Peyziwat nahiyisidiki yertewreş merkizige yéqin yerdiki yézining 10 kenti pütünley xarabiliqqa aylan’ğan. Bir toluqsiz ottura mektep oquğuçiliri ders oquwatqan bolup oqutquçi-oquğuçilarning hemmisi digüdek qaza qilğan. Yéziliq doxturxaninig 3 qewetlik binasi qattiq yer tewreşte tuyuqsiz örülüp çüşken bolup, içidiki barliq bimar, kesel baqquçilar, sestira we dohturlar qaza qilğan. Peyziwat nahiyisi we Maralbeşi nahiyiside 900 mektep binasi örülüp çüşken.

Peyziwat nahiyiside 1996-yildin buyan 19 qétim 5 baldin yuquri yer tewrigen bolup, yénik tiptiki tewreşlerni qoşqanda 4000 qétimdin aşidu.

Xitay hökümiti Şerqiy Türkistan yéziliridiki Uygur déhqanlarning éçinişliq ehwalini sirtqi dunyağa bildurmeslik üçün yer tewreş yüz bergen çağlarda çet’ellilerning apet yüz bergen jaylarğa bérişini, ziyaret qilişini we yardem qilişini çeklep kelgen bolup, Uygur xelqining béşiğa kelgen bu qétimqi paji’e toğrisida çetellik muhbirlarning soriğan soalliriğa jawap bérişini ret qilğan we ziyaritini çekligen. Igellişimizçe yer tewreş apitide qaza qilğanlarning sani xitaylar elan qilğan sandin xelila köp iken.

Nöwette qutquzuş xizmiti élip bériliwatqan bolup, ölgen we yaridar bolğanlarning sani téxi éniq bekitilmidi. Ölgenlerning sani barğanseri köpeymekte.

Yer tewreş yüz bérip uzun ötmeyla Xitay hökümiti idare-jem’iyet, mektep, doxturxana we barliq tijaretçilerdin i-ane yiğişqa nurğun kadirlarni seperwer qilğan. Uygurlarning béşiğa éğir kün kéliwatsa dölet ğezinisidin insaniy yardem üçün mebleğ çiqirişqa çidimay, öz xelqimizdin mejburi i’ane yiğmaqta!

Biz barliq Uygurlardin we xelq’ara jem’iyettin apetke uçriğan xelqqe insanperwerlik yardem qolini sunuşni semimi iltimas qilimiz.

Yer tewreş apitide qaza qilğan qerindaşlirimizğa janabi Allahtin rehmet, yaridarlarğa şipaliq, hayat qalğanlarğa salametlik, aman-esenlik tileymiz!

Şerqiy Türkistan Informatıon Merkizi

Yertewreş Jeryanida Yüzbergen Éçinişliq Körnüşler