Hemminglarning Héytinglarğa Mubarek Bolsun!

Essalamueleykum Qedirlik, Èziz Qérindaşlar !

Nahayiti méhriban, şepqetlik, hemmige qadir janabi Allah'tin mubarek Qurban héyt munasibiti bilen hemminglarğa qizğin salam yollaymiz we ayiminglarning xoşal-xoram ötüşini tileymiz !

Qeşqerni paytext qilğan Qaraxanilar dölitining 3-ewlad Xani Sultan.Sutuq.Buğraxan 926-yili Qeşqerdiki ordida mubarek Islam dinini Qaraxanilarning dölet dini qilip bekitkendin kéyinki 1077 yil mabeynide Uygur xelqi aldi-kéyni bolup Islam dinini qobul qilip, Hijiriye zulhejjening 10-küni dunyadiki başqa musulman qérindaşlarğa oxşaş Qurban heyti öynap keldi.

Ejdatlirimiz seltenetlik döletlerni qurğan zamanlarda bu merike nahayiti qizğin keypiyat içide, tolup-taşqan xoşalliq, iptixarliq içide ötküzüldi. Güzel wetinimiz qara niyet Xitaylarning mustemlikisige aylanğan kündin étibaren bizning diniy, milliy bayramlirimiz öz qedir qimmitige erişelmey, türlük çeklimilerge uçrap, xelqimiz zalimlarning zulmi astida aram-xuda heytlirini ötküzüşke qadir bolalmay kéliwatidu.

Bir yildin béri wetende bolup ötken işlarni eslep ötidiğan bolsaq, Xitay tajawuzxiliri meripetperwer, wetenperwer ziyalilirimizni we ularning medeniy pa'aliyetlirini qarilap, nurğun ziyalilirimizni, diniy ölimalirimizni zindan'ğa taşlidi, neççe ming déhqan, tijaretçi we başqa sahediki qerindaşlirimizni qolğa elip, xéli köpige ölüm jazasi höküm qildi we mexpiy qetle qildi. Téxi buyilqi heyt harpisidila ana wetinimizning Ğulja şehride 4 kün içide 250 qérindişimizni tutqun qilip türmige solidi, Qeşqerning Taşmiliq (Esli Taşbaliq) yézisidila 100 neper qérindişimizni rehimsizlik bilen qolğa aldi, Qeşqerning başqa yéza-qişlaqlirida bolsa neççe yüz qérindişimizni guman bilen qolğa aldi, Xoten wilayitide bolsa ötken yili bir hepte içide 700 neper qerindişimizni qolğa aldi….Dimek Şerqiy Türkistandiki neççe ming ailini Xitay faşistliri weyran qildi, ténçliqini buzdi, musibet élip keldi, qan içti! Uygurlarning yürek qénini içti !

Eslide Qurban heyt Islam dinining héyti idi, ming yildin köprek waqittin buyan xelqimiz arisida omumlişip we tereqqqiy qilip, diniy bayramdin milliy bayramğa özgergen idi, bu heytta Uygurlar öy-makanlirini pakiz tazilap, retlep, şexsiy taziliq qilip, heyt namazlirini pakiz, azade jamelerde ötep, ata-bowilarning tupraq béşiğa çiqip, andin qurbanliq qilip uruq-tuqqan, yurt ehli öz-ara pete oquşup, aridiki arazliqlarni keçürüşüp yarişip qalidiğan, barliq musulmanlarni, jümlidin millet içidiki méhri-şepqetni küçeytip, inaqliqni ilgiri süridiğan xasiyetlik bayram idi, mustemlikiçi Xitaylar bizning barliq normal, medeniy pa'aliyetlirimizni qarilap we çeklime qöyup, yéqinqi yillardin béri jamelerge we mesçitlerge paylaqçilarni iwertip xelqimizning heyt namizi oquşini nazaret qilip keldi we çeklidi. Sehralirimizda bolsa çong-kiçik Uygur kadir, oqutquçi, tibbiy xizmetçi, oquğuçi qatarliq nurğun qérindaşlirimizning namaz oquşini qattiq çeklidi, şeherlerde bolsa idare-jemiyette işleydiğan Uygur xadimlarning namaz oquşini çeklidi, Uygurlar bilen bir idarida işleydiğan Xitaylar bolsa Qurban heytni qurbanliq qöyning goşi bilen sesiq haraq içidiğan naşayane méhmandarçiliqqa aylanduriwaldi. Qeşqerdiki heytkar jamesige oxşaş dangliq, tesiri küçlük, çong jamelerde neççe tümen musulman heyt namizi oquydiğan bolğaçqa, rezil Xitay hökümiti jamelerning içige we sirtidiki binalarğa Video kamera orunlaşturup namazğa kelgen barliq musulmanlarni yaman niyet bilen süretke aldi. Qoralliq saqçilarni jama'et etrapiğa aşkara we yoşurun orunlaşturup, birer naraziliq heriketliri yüz berse qanliq basturuşqa teyyaqliq körüp keldi. Uygur kadirlarning, oqutquçilarning, tetqiqatçilarning we idare-jemiyette rehberlik qatlimida işleydiğan Uygurlarning milliy kiyim-keçek kiyişige çeklime qoyup kişilik hoquqini, insaniy izzet ekramini depsende qildi.
Çet’elde yaşawatqan Uygur qérindaşlirimizdin weten içidiki millitimizning çekiwatqan zulumlirini untup qalmasliqini, Xitaylarning wetinimizge we helqimizge qiliwatqan zulumlirini çet’ellerde kengri teşwiq qilip, Xitaylar jenining bériçe yoşuruwatqan éğir milliy zulumni waxti-waxtida jahan ehlige aşkarilap, xelq'ara jama'et pikri şekillendürüp we uni küçeytip, dostlirimizni köpeytip, kommunist Xitay hökümitining Şerqiy Türkistandiki hakimiyitini bir kün bolsimu tézrek ağdurup taşlap, zulumdin qutulup, wetinimizni azadliqqa, xelqimizni hörlükke ériştürüş yolida ittipaqlişip küç çiqirişini çin könglümizdin tileymiz !

Janabi Allah Şerqiy Türkistan xelqige aman-esenlik, ténige salametlik, turmuşiğa xatirjemlik, işliriğa utuqluq ata qilsun!



Şerqiy Türkistan Information Merkizi

2003-Yil 2-ayning 10-küni