Merkizimiz Bayanatçisi Dilşat: " Şerqiy Türkistan Musteqilliq Heriketlirining Xelq'ara Térorluq Teşkilatliri Bilen Héçqandaq Munasiwiti Yoq "- didi

Tei Wen merkizi axbarat agentliqining Shanggangdin 21-yaniwar küni bergen xewirige qariğanda, Xitay taşqi işlar ministiri Tang Jaxuan 2-yaniwar küni BDT bixeterlik kengişining yiğinida xelq'ara jem'iyetni Xitayning Şerqiy Türkistan térrorçi kuçlirige köngül bölüşke çaqirğan. merkizimizning bayanatçisi Dilşat 21-yaniwar <Şerqiy Türkistan musteqilliq herikiti> xelq'ara térrorçi teşkilatlar bilen héçqandaq munasiwiti yoq, didi.

Merkizimizning bayanatçisi Dilşat uzun yolluq telefonda Tai Wen merkizi axbarat agentliqiğa "Tang Jia Xuanning sözligen sözi, Şerqiy Türkistan mesilisini kişilerning közige set körsütüp, Şerqiy Türkistanning musteqilliqi üçün heriket qiliwatqan teşkilatlarni terrorçi teşkilatlar bilen qesten çetiştin ibaret,bu xelq'ara jem'iyetning közini boyap,terrorizimğa qarşi turuş weziyitidin paydilinip Şerqiy Türkistan xelqining musteqilliq heriketlirini basturuşni maqset qilidu" didi. Tangjiaxuan sözligen sözide Şerqiy Türkistan teşkilatlirini Agğanistandiki <El Qa'ide> teşkilati bilen munasiwiti bar, Xinjangda we Ottura Asiyada köp qétim térorluq weqelirini peyda qilğan dep qarilidi. Buning'ğa Dilşat "Şerqiy Türkistan" héçqandaq teşkilatning nami bolmastin, Şerqiy Türkistan Jumhuriyitining dölet nami, xelq'ara térrorçi teşkilatlar bilen héçqandaq munasiwiti yoq, Şerqiy Türkistanmu térrorluqqa qarşi turidu" didi. Dilşat yene, "<9-sentebir weqesi> din kéyin, Xitay da'iriliri xelq'aradiki térorluqqa qarşi turuş weziyitidin paydilinip Şerqiy Türkistan musteqilliq heriketlirini basturup keldi,Uyğur xelqige<qoş ölçemlik>mu'amile qilip, Şerqiy Türkistan içide yüz bergen qoralliq delolarni terrorçi unsurlarning qilmişi, dep eyiplep, hazirğiçe neççe ming Uyğurni qolğa elip, Şerqiy Türkistandiki milliy ziddiyet we diniy öçmenlikni ötkürleştürüp, medeniyet jehettiki sürkilişni keltürüp çiqardi"-didi. Dilşat yene, "Şerqiy Türkistan musteqiliq herikitining xelq'ara térorizim bilen héçqandaq munasiwiti yoq, çet'elde turuwatqan Uygurlar ete BDT ğa xet yézip, Xitay da'ilirining xelq'ara jem'iyetni aldaş qilmişiğa naraziliq bildüridu"-didi. Tang Jia Xuan 20-yaniwar New Yorkta eçilğan BDT biheterlik kengişi yiğinida ""Xitay terrorizimning ziyankeşlikige uçriğan döletlerning biri, Şerqiy Türkistan térorçi küçliri uzun waqitlardin buyan <El Qa'ide> teşkilati bilen til biriktürüp, Şinjang we Ottura Asiyada köp qétim térorluq weqesi peyda qilip, bu rayonning ténçliqi we bixeterlikige tehdit salğan"-dep jar salğan.
Merkizimiz Xitay hökümitining qara niyitini paş qiliş, xelq'arada toğra jama'et pikrini qolğa keltürüş ücün, BDT ğa pütün Uygurlar namidin xet yazmaqci.

Şerqiy Türkistan Informatsion Merkizi