18-Yaniwar UDP Ğulja Şehride Teşwiqat Waraqlirini Tarqatti

Öz xewirimiz.

Şerqiy Türkistanda yéngidin qurulup mexpiy heriket élip bériwatqan „Uyğur Demokratik Partiyisi“ (Töwende qisqartip UDP dep ataymiz)18-yaniwar küni Şerqiy Türkistanning Ğulja Şehridiki Ili oblastliq poçta idarisi we Ottura Aasiya soda merkizi (Xitay baziri depmu atilidu) de teşwiqat waraqlirini mexpiy tarqatti. Mexpiy tarqitilğan teşwiqat waraqliri pütün bazardiki Uyğurlar arisida qoldin-qolğa ötüp, yeng içide qiziqip oquş weziyiti barliqqa keldi. Bu iştin kéyin Xitay saqçi da'iriliri Ğulja şehri içide herbi halet yürgüzüp, pütün Şeherni qamal qilip, teşwiqat waraqlirini tarqatqanlarni tutuş üçün patparaq bopketti. Téxi yéngi yil künisila Ğulja şehride Xitay zulmiğa qarşi teşwiqat waraqliri tamlarğa çaplinip Xitayni alaqzade qilğan idi. Uningğa ulap Beijingda teşwiqat waraqlirining tarqitilişi, yene Ğuljida teşwiqat waraqlirining téximu keng da’irilik tarqitilişi Xitaylarning çağan mezgilide “5-Fewral” inqilabining 6 yilliqi munasiwiti bilen Uyğurlarning Xitayğa qarşi öç eliş kürişini qanat yayduruşidin ensirigen Xitay da'iriliri, pütün Ili oblasti boyiçe bu xewerni qattiq kontirol qilip, başqa wilayetlerge tarqilip kétişining aldini éliş üçün paypetek boluşup, tarqatqanlarni tutuşqa, xelqning qoliğa tarqilip ketken teşwiqat waraqlirini yiğiweliş üçün jan talaşmaqta.

Ötken yili18-dekabir küni, UDP wetinimizge kişilik hoquq işlirini küzitiş üçün kelgen Amerikining kişilik hoquqqa mes'ul taşqi işlar ministiri orunbasari Lorne Cornerge mexpiy yosunda xet sun'ğan idi.1-Yaniwar küni Ğulja şehride poçta-telegiraf idarisi qatarliq orunlarğa tam géziti çaplidi, 9-yaniwar küni Xitay paytexti Beijingda teşwiqat waraqlirini tarqatti, uning'ğa ulapla 18-yaniwar Ğulja şehridiki Uygur ammisiğa wetenni qutquzuş toğrisidiki teşwiqat waraqlirini köpeytip tarqatti.

UDP tarqatqan teşwiqat waraqlirida, tajawuzçi Xitaylarning Şerqiy Türkistan xelqiğe yürgüziwatqan qirğinçiliq siyasiti, qilmişliri paş qilin'ğan we eyplen'gen bolup, Uygur xelqini Şerqiy Türkistan'ğa tajawuz qilip kelgen Xitaylarni qoğlap çiqirip, yéngidin kelmekçi boluwatqan tajawuzçilarning aldini tosap, musteqil Şerqiy Türkistan Jumhuriyitini eslige keltürüş üçün içki ittipaqliq we hemkarliqni küçeytip, düşmen köz qarişini éniq tiklep, Şerqiy Türkistanning hemme jaylirida mexpiy heriketlerni qanat yaydurup, wetinimizning azadliqini baldurraq qolğa keltürüş üçün çaqiriq qildi.
Biz UDP ning bundin kéyin qet'i niyetke kelip, wetinimizning hemme jaylirida bundaq teşwiqatlarni küçeytiş bilen bille, janliq, kiçik guruppilarni teşkillep, Xitay tajawuzçilirining ediwini bériş, ularni qoğlap çiqiriş heriketlirini omumiyüzlük qanat yaydurişiğa tilekdaşmiz.
UDP ning weten qutquzuş yolida xewp-xeterge qarimay, téximu mexpiy şekilde musteqilliq heriketlirini qanat yaydurişini ümüd qilimiz we uni qollaymiz.

Şerqiy Türkistan Informatsion Merkizi
2003-Yili, 20-Yaniwar,Germaniye