Xitay, Pakistan, Se'udi Erebistan we Afğanistanda Kişilik Hoquq Depsende Qilinmaqta

Yaponiyining Asahi gézitining 14 - Yaniwardiki hewirige qariğanda, Amerikining ammiwi kişilik hoquq teşkilati14 - yaniwar dunyaning kişilik hoquq ehwali mujessemlen'gen aq taşliq kitab "2003 dunya doklati"ning içide Şimali Koriyidin siyasi bésim, açarçiliq sewepliri tüpeylidin Xitayğa qéçip ötken köçmenler 10 ming kişidin 30 ming kişigiçe yetken dep élan qilğan.
Aq taşliq kitabta diyilişiçe, köçmenler sanining köp boluşi we éniq igelligili bolmasliqlar şimali Koriyedin axbarat alğili bolmasliqning üstige Xitay tereptiki tekşürüşning qiyin bolğanliqidin dep qaralğan. Xitay hökümitining pozitsiyige nisbeten "Xitay hökümiti köçmenler şertnamisige qol qoyğan turuqluq, Şimali Koriye terep bilen bolğan ikki döletning kélişimlirige asaslinipla köçmenlerni türkümlep tutqun qilip Şimali Koriyege qayturup bergen"dep tekitligen.Şimali Koriyelik köçmenlerni yataq öy bilen teminligen Xitay puxralirini jazalimaqta,dep eyiplen'gen. Undin başqa, insanperwerlik yardimige érişiş üçün qéçip çiqqan aç-yaliğaç köçmenlerning köp sandikiliri emeliyette siyasi zulumğa uçriğan köçmen hésaplinidu, dep tekitlen'gen.
Aq taşliq kitabta,Amerikida terrorluq weqesi yuz bergendin keyin Amerika térrorluqqa qarşi jeng élan qiliwatqan mezgillerde kişilik hoquqqa sel qarap, térrorluqqa qarşi turuşta ittipaqdaş meydanda turğan Pakistan, Xitay, Se'udi Erebistan, Afğanistan qatarliq doletlerdiki kişilik hoquqning tajawuzğa uçrişiğa kozini yumuwaldi"dep eyipligen. "Amerika kişilik hoquq heqqaniyitini dunya miqyasida depsende qilmaqta"dep Buş hakimiyitini qattiq tenqid qilin'ğan.

-----Teklimakan terjimisi-------

2003-Yili14-Yanwar