Xitay mesililiri Mutehesisliri Türkiyening Şerqiy Türkistan Mesilisini Siyasilaşturuşni Halimaydiğanliqini Bilduruşti

(Merkizi ahbarat aginitliqi muhbiri Gaoçiwenşinning 9—yanwar Ankaradin bergen hewiri)

ATürkiyediki Xtay mesililiri mutehesislirining bilduruşiçe, Türkiyening hakimiyet beşidiki partiyesining reisi Erdoğan Xitay dairlirining tekliwige asasen 14- yanwardin 17 - yanwarğiçe Xitayni ziyaret qilmaqçi, uning asasi meqsidi, ikki terepning soda alaqilirini küçeytiş, biraq u , Xitay dairlirining ikki dölet otturisidiki eng nazuk mesile bolğan Şerqiy Türkistandiki Uygur milliti mesilisini siyasi kozur qiliwilişni halimaydu .
Türkiyediki yawru-asiya sitiratigiye tetqiqat merkizi şerqi asiya bölumining pişqedem tetqiqatçisi Erkin bügün merkizi ahbarat aginitliqining muhbiriğa mundaq didi :” Türkiyediki musulmanlar partiyesi bolğan [Adalet we Tereqqiyat ] partiyesi ötken yili noyabirdiki parlamenit saylimida ğelbige érişip, hakimiyet béşiğa çiqqandin buyan, çeteller bilen bolğan munasiwetni rawajlanduruşta, Yawrupa Ittipaqini asasi nişan qildi, Türkiyening Yawrupa Ittipaqiğa eza boluşi mesilisining tézrek hel boluşi üçün, bu partiye siyasi, ijtimai we insan heqliri qatarliq jehetlerde zor tirişçanliq körsetmekte, az sanliq milletlerning menpeetlirini qoğdaş mesilisimu Yawrupa Ittipaqiğa kiriştiki teleplerning birsi.
Nöwette Ottura Asiya döletliride ziyarette boluwatqan [Adalet we Tereqqiyat ] partiyesining reisi Erdoğan buningdin burun Yawrupa Ittipaqiğa eza 15 dölet we Amerikida ziyarette bolğan idi . Bu partiyening mesul erbaplirining bildürüşiçe, kiler hepte boludiğan Xitay ziyariti, Erdoğanning bir aydin buyan dawam qiliwatqan ziyaretlirining ahirqi békiti iken. Partiyening muawin reisi, baş minister Gül bolsa, ötken hepte we bu hepte Türkiyege hoşna bolğan ottura şeriq döletliride ziyarette boluwatidu .”

Erkin mundaq didi: „Erdoğan bejinde ziyarette bolğan mezgilde , Xitay dairlirining ikki dölet otturisidiki eng sezgur mesile bolğan Şerqi Türkistandiki Uygur millitining öz teqdirini özi belguleş mesilisini qayta otturiğa qoyuşi, şundaqla hemkarlişip térorizimğa qarşi turuş digenni bahane qilip, Türkiye hökümitidin Türkiyediki Uygurlarning musteqilliq teşkilatliriğa bolğan bésimni küçeytişni telep qilişi muqerer, biraq siyasi, ijtimai we insan hoqoqi qatarliq jehetlerde Yawrupa birliki bilen bolğan birdeklikni emelge aşuruş yolida tirişçanliq körsütiwatqan Türkiye hökümitining Şerqiy Türkistandiki Uygurlar mesiliside Xitay dairliri bilen hemkarlişiş ihtimali yoq diyerlik. Yawrupa Ittipaqi döletliri Şerqiy Türkistandiki Uygur millitining musteqilliq herkitige umomiyüzlük halda izçil hésdaşliq qilip kéliwatidu, çet ellerde sergerdan bolup yürgen Uygurlarning musteqilliq teşkilatliridin biri bolğan [Şerqi Türkistan Milli Qurulteyi ] ötken yili “3—qétimliq qurultay” ni Yawrupa parlaminti binasida ötküzüşke muweppeq boldi, şundaqla Yawrupa parlamintining köpligen ezaliri şu qétimqi qurultayğa qatnişip, Uygurlarni qollaydiğanliqlirini bilduruşti”

Erkin mundaq didi : „ Erdoğanning bu qétimqi Xitay ziyariti asasen, Xitay bilen bolğan soda alaqilirini küçeytiş arqiliq Türkiye iqtisadini güllendürüşni meqset qilğan, çünki ikki terepnng soda kölimi ançe çong emes, uning üstige Türkiye Xitay bilen bolğan soda munasiwitide éğir derijidiki tetur balanis halitide turiwatidu, gerçe ikki terepning yuqiri derijilik emeldarlirining öz-ara ziyariti heli qoyuq bolsimu, emma ikki döletning emeli sodisidiki tetur balanis mesilisi köp yillardin buyan hel bolmay kéliwatqan mesililerning biri .“

Xitayçidin Hantengri terjimisi