UDP Xitay Paytexti Beijingda Teşwiqat Waraqlirini Tarqatti

Öz xewirimiz.

2003-yili9-yanwar küni Xitay paytexti Beijingda Uygur démokratik partiyisi mexpi şekilde Beijingdiki Uygurlarğa yüz waraqtin köp teşwiqat matiriyali tarqatqan.
Teşwiqat waraqlirida tajawuzçi Xitaylarning Şerqiy Türkistan xelqige yürgüziwatqan yoqutuş, qirğinçiliq siyasiti eyiplen'gen bolup, Xitaylarning qara niyiti aşkarilan'ğan, şuning bilen bille Uygur qérindaşlarni Şerqiy Türkistanliq Uygurlarning milliy mewjudliqini saqlap qéliş, Xitay qoralliq kuçlirining himayiside wetinimizge tajawuz qilip kélip köpiyiwatqan Xitay tajawuzçilirini Şerqiy Türkistandin qoğlap çiqirip, musteqil Şerqiy Türkistan Jumhuryitini eslige kelturuşke çaqirğan.
Uygur Démokratik Partiyisi (UDP) qurulğan béri weten içide Xitay hökümitige we tajawuzçilarğa qarşi mexpi heriket qiliş üçün pa'al teyyarliq qilip, 18-dekabirda Amerikining kişilik hoquqqa mes'ul muawin taşqi işlar ministiri Ürümçige kelgende Uygur xelqining arzulirini mexpi xet şeklide sun'ğan idi we mexpi yosunda Ürümçide xelqimizge tarqatqan idi.

Yéngi yil kirişi bilen UDP heriket dairisini kengeytip Ğuljida Xitay tajawuzçiliri we hökümitining xelqimiz üstidin élip bériliwatqan zulum, qirğinçiliq we yoqutuş siyasitini pa'al paş qilidiğan we xelqimizni kureşke undeydiğan tam gezitini tarqatti. 5-Fewral qozğilingi qanliq basturulğandin kéyin korunuşte <jimip qalğan> Uygurlar Ğuljida körenglep qutrap ketken Xitaylarning ténçliqini buzdi. Uningğa ulapla bügün Xitayning paytexti Beijing Şehridiki Uygur qérindaşlarğa Yuquridiki mezmunlar yézilğan teşwiqat waraqlirini mexpi şekilde tarqitip musteqilliq körişining toğra yölünişke qarap tereqqi qilişiğa tohbe qoşti.

UDP ning bundin kéyin ğeyretke kélip, Xitay hökümiti we Xitay xelqining milliy zulumi, her jehettiki bulangçiliqi, qirğinçiliqi, xorlişiğa uçrap derdini içige yutup kéliwatqan xelqimizni teşkillep we toğta yolğa yeteklep, mexpiy heriketlerni Şerqiy Türkistanning hemmila yerliride qanat yaydurup, tajawuzçi Xitaylarning wetinimizge kélişini tosap, wetenimizge kélip kerilip turiwalğan qara niyet Xitaylarni qoğlap çiqirip, musteqilliqimiz üçün deslepki asas sélişini umud qilimiz.

Sherqiy Turkistan Informatsion Merkizi
2003-Yil 9-Yanwar