Xitay Hökümiti Özliri Yolğa Qoyğan Kişilik Hoqoq Tedbirlirining Xelq'araliq Ölçemlerge Uygun Kelmeydiğanliqini Iqrar Qildi

(Firansiye ahbarat aginitliqining Beijindin bergen hewiri)

Amirikining kişilik hoqoq işliri boyiçe baş wekili Corner élan qilğan bir parçe bayanatqa asaslanğanda, Beijing emeldarliri Xitayning kişilik hoqoq tedbirlirining xelqaraliq ölçemlerge uyğun kelmeydiğanliqini iqrar qilişqan.

Amerikining démokiratiye we kişilik hoqoq işliriğa mes'ul muawin taşqi işlar ministiri Corner Xitayğa qilğan beş künlük ziyaritini ayaqlaşturuş harpisida, Xitay hökümitining birleşken milletler teşkilatining küzetküçiler ömikini Xitayğa teklip qilip, diniy erkinlik, jazalaş we zorluq bilen qamaqqa éliş qatarliq mesililerde ular bilen söhbet ötküzüşke maqul bolğanliqidin razi bolğnliqini bildurdi.

Corner bayanatida mundaq dep körsetti: “Xitay emeldarliri özliri yolğa qoyğan kişilik hoqoq tedbirlirining xelqaraliq ölçemlerge uyğun kelmeydiğanliqini iqrar qilişti” .
Corner başçiliqidiki wekiller ömiki Beijingdiki söhbetlirini ayaqlaşturğandin kéyin, musulmanlar köpçilikni teşkil qilidiğan Xinjiang rayoniğa barğan, Corner u yerde diniy işlar idarisining yuqiri derijilik emeldarliri bilen körüşken.
Corner öz bayanatida Beijing dairlirini Şerqiy Türkistanliq ayal sodiger Rabiye Qadirni derhal qoyup bérişke çaqirdi .
Şundaqla Amerika pirizdenti Boshning “her qandaq döletning térorizimğa qarşi turuşni bahane qilip, az sanliq milletlerni basturuşiğa yol qoyulmaydu .” digen pikirini yetküzdi. Rabiye Qadir çet'ellerdiki dostliriğa gézit_jornal ewetken, digen eyip bilen qolğa élinip, 8 yilliq qamaq jazasiğa höküm qilinğan. Corner 18-dikabir küni Xinjiang Universititining studintlirige qilğan sözide: ”muqimliqni qoğdaş bilen kişilik hoqoqqa hörmet qiliş hergiz bir_birini çetke qaqmaydu, emeliyette, bu ikki mesile bir birni toluqlaydu,” dep tekitlep körsetti. Xelqaraliq kişilik hoqoq küzetküçiliri Xitay hökümitini “11- sintebir” térorluq weqesidin kéyin, térorizimğa qarşi turuşni bahane qilip, Uygurlar we Tibetlerni basturiwatidu, dep eyiplep kéliwatidu. Ötken yili sintebirde, Beijing dairliri birleşken milletler teşkilatining qarar çiqirip, Uygurlarning musteqilliq dawasi qiliwatqan bir teşkilatini térorçi teşkilatlar tizimlikige kirgüzgenlikidin bekmu söyüngen idi .

Xitayçidin Hantengri terjimisi