Ğulja Şehride, < Uygur Démokratik Partiyesi > Namida Tam Géziti Çaplandi
 

Sürette: Ghulja şeher poşta - telgirap  idarisi binasining yantémi

Weten içide Xitay hakimiyitige qarşi musteqilliq kürişi élip beriwatqan < Uygur Démokratik Partiyesi > ning informatsiyon merkizimizge bildürüşiçe, 2003.01.01 küni Ğulja xehride (U.D.P) namidiki tam gézitler çaplandi.
< Uygur Démokratik Partiyesi > mezkur tam gézitide, Xitay hakimiyitining Uygur xelqining milliy we diniy mewjutliqini yoqutuşni meqset qilğan zulum we basturuş siyasetlirini qattiq paş qiliş we eyipleş bilen birge, Şerqiy Türkistandiki yerlik her sahe xelqini meyli qaysi idiye we qaysi idilogiyege, şundaqla qaysi tebiqiğe mensup boluşidin qet'inezer, öz'ara ziç ittipaqlişip, Xitay mustemlikiçilirini Şerqiy Türkistandin qoğlap çiqiriş we Şerqiy Türkistanning toluq musteqilliqini qolğa keltürüş kürişige aktip atlinişqa çaqirğan.
Tam gézit çaplinip uzun ötmey Xitay saqçi dairliri Ğulja xehride qattiq çarlaş élip bardi. Kiçe-kündüz saqçi maşinlirining çiqirğan awazi üzülmey anglinip türdi. Bu qétimqi herkettin Xitay hökümiti intayin çöçigen bolup, uzundin buyan téniç bolğan Ğulja weziytidin intayin ensirgen. Xu seweptin Xitay hökimiti içki qisimda jiddi yiğin çaqirip bu qétimqi tamgéziti çaplax weqesini çoqum éniqlap çiqip bundin kéyinki muqumluqni sahlaşni Xitay saqçi dairliriğa uhturğan. Hemde aldimizda yéqinlap kéliwatqan Xitaylarning bahar bayrimi mezgilide muqumluqni çoqum saqlaşni orunlaşturğan. Çünki bu qétimqi Xitaylarning bahar bayrimi mezgilide Ili inqilabining namayendisi bolğan 5 - Fwral inqilabining 6 yilliq xatire küni yitip kilidu, xunga Xitay dairliri bu qétimqi bahar bayrimida birer herketning bolup qélişidin qattiq ensirmekte. Uning üstige yéngi-yil kirişi bilen Ğulja xehride tam gézitlerni çaplax weqesining yüz bérişi aldimizdiki 5-Fwral weqesining 6 yilliq xatire küni bilen munasiwitining bop qélixidin ensirmekte. Xitaylar bu qétimqi tam géziti çaplaş weqesidin qattiq çöçigenligi sewep herqaysi idare organlarning bahar bayrimi mezgilide dijurni turux tuzumini yolğa quyuşni orunlaşturğan.