Xitay Dairliri Bésim Astida SARS Késilining Yene Peyda Bolğanliğini Iqrar Qildi

„Jenub şeher geziti“ birinji bulup Guang Zhouda gumanliq SARS késili bayqalğanliğini paş qilip, Xitay merkizi axbarat orunlirinimu xewer bérişke mejburlap, Xitay dairiliriğa bu xewerning rasliğini ispatlatquzdi, lékin hazirğiçe munasıwetlık dairiler bu bimarning SARS késili ikenligi gumanliq dimekte.
„Jenub şeher geziti“ ning 27-dekabirdiki xewiride körsitilişiçe, bu gezit Guang Zhoudiki bir çong doxturxana xizmetçilirining xewirini tapşurup alğan: Bu doxturxana dawaliğan bir késelning diagnozi SARS késili bolup çiqqan. „Jenub şeher geziti“ bilen „Xinjiang geziti“ bu xewerni aşkarliğandin kéyin, Xitaydiki herqaysi axbarat torliri arqa-arqidin xewer bergen, şuning bilen süküttiki Xitay kommunistliri we merkizi axbarat orunlirimu xewer bérip ispatliğan.
Xewerlerge qariğanda yuqumlanğuçining késili 16-dekabir qozğilip, 20-dekabir doxturxanida yatqan, 27-dekabir késili muqimlaşqan, uda 4 kün beden tempratorsi normal bolğan.
Xitay sehiye ministirligining bayanatçisi (27-dekabir): sehiye ministirligi mutexessisliri Guang Dongliq bir er kişining belkim SARS késili virusi bilen yuqumlanğanliğini bikitti,
bimarning familisi Luo, 32 yaşqa kirgen bolup, teleflim xizmetçisi, Panyü rayonida olturidu. dep bayanat berdi.
„Birleşme gezit“ning (28-dekabir) xewer qilişiçe, Xitayning analiz qiliş sewiyisige asaslanğada, bimar 16-dekabir yuqumlinip, 20-dekabir doxturxanida yatqan, bu 4 kün waqit buning nime késel ikenligini éniqlaşqa yétip aşidu, emilyette 4, 5, saet waqit kétidu, Xitay dairlirining bu kiselni hazirğiçe gumanliq diyişi mümkin emes.
Buningdin başqa, bezi axbarat torliri bu erkek bimarning qiz dostidimu SARS késilining alametliri peyda bulup doxturxanida ayriwetilip dawaliniwatidu dep xewer qilğan. Lékin Guang Dong sehiye tarmaqliri buni inkar qildi.

Da Ji Yuan, 29 - dekabir xewiri.