Zhongguo Tehditi?

„New York Waqit Geziti“: Nicholas D. Kristof, 2003-yili 20-dekabir “ New York Waqit Geziti ” de élan qilğan “Zhongguo Tehditi” digen maqalisida munularni körsetken: özining ensirewatqini Zhongguoning yadroluq qorali yaki uning başqa dölet zéminiğa tajawuz qilalaydiğan herbi quwwiti bolmastin, belki Zhongguo hökümitining yaşlarğa singdüriwatqan, kündin-künge éşiwatqan milletçilik keypiyatidur.
Maqalida munular körsitilgen, 1999-yili Amerika Yugislawiyediki Zhongguo elçixanisini bombardiman qilğanda, ğezeplengen Zhongguoliqlar Amerikining Beijindiki elçixanisiğa hujum qildi; 11-sentebir térorliq weqesi bolğanda, xoşalliqta hayajinini basalmiğan maqalilar internetni qaplidi. Amerikiliqlar bulardin biraz agahlanduruşlarğa ige boldi. Zhongguoluqlarning Yaponliqlarğa tutqan pozitsiyesidin, qarğularçe qilğan wetenperwerligidin jemiyet qalaymiqançiliğining kélip çiqidiğanliğini éniq köriwiliş mümkin. Aptor birneççe ay burunqi bir xewerni missal keltürgen yeni bir top Yaponliq sodiger Zhu Hai'de kolliktip pahişiwazliq qilip, pütkül Zhongguoliqlarning ğezep-nepritini qozğiğan. Lékin Zhongguoda mingliğan, onmingliğan pahişe ayallar oçuq-aşkare jinsiyet mulazimiti bilen şuğullinidu. Aptor ötken yili özining Zhu Hai'diki waqtida, bir top pahişe qizlarning özi yatqan méhmanxanidiki öyning işigini urğanliğini, özining qorqup kitip möküniwalğanliğini sözligen. Aptorning qarişiçe üzliksiz kötirliwatqan milli keypiyat, Zhongguoliqlarning weqelerge höküm qiliş we siyaset belgileş iqtidarini burmiliwetken. Milli keypiyat xelqaraliq toqunuşlarda hökümetning qattiq pozitsiyesini keltürip çiqiridu, bulupmu Tai Wan mesilside, bir yéngiliş siyaset bir meydan Amerika bilen bolğan uruşni keltürip çiqiridu. Aptorning qarişiçe Zhongguo hökümiti milli keypiyatni bir yipişturğuçi madda ornida yeni, pütkül idelogiye yoqalğan waqitta, Zhongguoliqlarni çaplaşturup birleştürmekçi. Ular toxtimay 20-esirning 30-yilliridiki Yaponliqlarning milletçiligini eyiplewatidu, emilyette Zhongguoliqlarning milletçiligi şu zamandiki Yaponliqlardin kam emes. 20-esirning 30-yilliridiki Yapon bilen Germaniyedin irişken aççiq sawaq şu boldiki, rehimsiz milletçilik dunyaning bixeterligige üçün heqiqi tehdit, bu mesilini, Amerika we başqa döletler HuJingTaoğa toxtimay tekitlep turişi kerek. Xoşallinarliq iş şuki yiraqni köreleydiğan bir qisim Zhongguo ziyaliliri Zhongguoning “ziyankeşlikke uçruğuçi pisxikisini” özgertişini murajet qildi. Ular, buni Zhongguoning boluşiğa tégişlik, yer şari rehbiri buluşqa ğelibilik mengiş yolidiki eng çong tosalğu dep qariğan.

Boxun xewiri, Alimjan terjimisi
2003-yili 27-dekabir