Musulman Bölgünçiler Hitayda Ölümge Höküm Qilindi We Qattiq Jazalandi.

( Muhemmet Emin terjimisi )


Fransiye Ahbarat Agentliqining 1999-yili 15 - Dikabir Beijıngdin bergen hewiri:

Hitayning geribishimalidiki Xinjiangda " bölgünçilik qildi" digen sewep bilen ikki Musulman ölümge höküm qilindi, toqquzi qolgha élinip turmige tashlandi.

Helqara Keçürüm Teshkilatining çashenbe küni hewer qilishiçe:
Bu 11 Musulman bu yil 7 - aydin buyan Ghuljida mehpi sot qilinghan.

Bu Teshkilatning hewiride yene mundaq deyilidu:

"Bu kishiler qattiq qiyin – qistaqlar arqiliq mejburi iqra qildurulup naheq halda höküm élan qilinghanlar bolup, Ular, " Qanunsiz qoral, oq dora toshighan, saqlighan, tarqatqan we Hitayni parçilashqa urunghan" digen jinayetler bilen qolgha élinghan. Ularning içide aran 3 kishi adwukat ishleken. Olumge hoküm qilinghan ikki kishi: Juret Nuri, 26 yash, Abduhaliq Abdurishit, 23 yash. Ulargha, "qanunsiz qoral, oq dora toshighan, saqlighan we tarqatqan" digen jinayet bilen höküm qilinghan. Qalghan 9 kishige "qanunsiz qoral, oq dora toshighan,
saqlighan, we teshwiqat matiryallirini tarqatqan" digen jinayet bilen ayrim ayrim halda 20 yilliq, 7 yilliq we 1 yilliq qamaq jasasigha höküm qilinghan. Ular: Saydulla Qurban, 31 yash; Abdurazzaq Jélil, 26 yash; Abdurazzaq Shemsidin, 29 yash; Elyas Jalal, 27 yash; Sultan Jalal, 29 yash; Hudaberdi Begzad, 35 yash; Heziritely Adhem, 32 yash; Tohtahun Yarmuhammed, 26 yash; Abdul Aziz Sawut, 24 yash. Ular 1998-yili Aprildin bashlap yalghuz turmige solanghan.

Xinjiangda 17 milyon nopus bolup, 48% Uygur Musulman, biraq bu nisbet künsiri köpiyiwatqan yéngi Hitay köçmençileri tüpeylidin töwenlimekte.