Gezitimizning tehrir heyet ezasi Qehriman Ghujamberdining Qazaqistandin bergen hewirige qarighanda, bu yil 11 – ayning 28 – küni, Qazaqistanda paaliyet élip bériwatqan barliq Uygur teshkilatliri we jamaet erbaplirining bir arigha kélishi bilen Almuta shehride "Qazaqistan Uyghur Teshkilatlirining Uyghunlashturush Kengishi" resmi qurulghan we 33 kishidin terkip tapqan rehberlik heyiti tesis qilinghan. Demokratik saylam arqiliq, doktur, pirappisor Mahmut Abdurahman resilikke, Shamahun Nurumow birinçi muawin reislikke, "Sherqiy Türkistan (Uyghuristan) Milliy Qurultiyi"ning muawin reisi Qehriman Ghujamberdi helqara munasiwetlerge mesul muawin reislikke, Buwihan Eyallar Ayallar Komutetining reislikige, Abdurishit Turdiew Yashlar Komutetining reislikige, Tohtasun Beyshanow Aqsaqallar Komutetining reislikige saylanghan. Undin bashqa yene "Sherqiy Türkistan (Uyghuristan) Milliy Kurultiyi" Daimi Komutetining ezaliridin Sabit Abdurahman we Dilbirim Samsaqowalarmu Uyghunlashturush kengishining 33 kishilik rehberlik heyitide yer alghan.

Bu teshkilatning asasiy meqsidi, Qazaqistanda paaliyet qiliwatqan barliq Uygur teshkilatliri otturisidiki hemkarliq munasiwitini küçeytip, Milliy dawayimizni pilanliq halda mas qedem bilen élip bérishtin ibaret.