"Sherqiy Türkistan Informatsiyon Merkizi" teripidin qolgha çüshürülgen Hitayçe "Hoten geziti"ning bu yil 11 – ayning 2 – künidiki sanida, "Merkezleshtürüp tüzesh hizmiti jeryanida boshangliq qilghini üçün Lop nahiyiside 7 idare – jemiyetke qattiq çare körüldi" dégen mawzoda bir parçe hewer élan qilindi. Mezkur hewerde bayan qilinishiçe, yéqinqi yillardin buyan jemiyetning muqimliqini qoghdash meqsidide Lop nahiyiside nahiye, yéza we kent derijilik "Merkezleshtürüp tüzesh rehberlik guruppisi" qurulghan we bu guruppilar Lop nahiyiside umumi yüzlük tekshürüsh élip barghan. Tekshürüsh arqiliq ular, Lop nahiyilik yéza igilik bankisi, nahiylik telegraf idarisi, néfit shirkiti, milliy shipahana, baj idarisi, téwit tazilash zawuti ... qatarliq 7 orunni, "Merkezleshtürüp tüzesh hizmitide boshangliq qilghan, ishçi – hizmetçilerge qaritilghan siyasiy – ideyiwiy terbiyini boshashturup qoyghan, bézi ishçi – hizmetçiler "tebligh"qe qatniship, milliy bölgüçilerge zémin hazirlap bergen, hetta qaçqun jinayetçilerni yoshurup, "ghazat"ni terghip qilghan" dégenge ohshash sewepler bilen jazalighan hemde bu idarilargha 20 ming yüendin 40 ming yüengiçe jerimane qoyghan.

Yuqurki hewer shuki toluq çüshendürüp bériduki, nöwette Sherqiy Türkistanda kommunist Hitay hakimiyitige qarshi türlük heriketler adettiki ammidin halqip, hökümet tarmaqliridimu peydin – pey janlinishqa bashlighan. Çünki kiçikkine bir nahiyining özidinla hökümet qarmighidiki 7 orunning siyasiy seweptin jazagha tartilghanliqi, buning janliq ispatidin ibaret, halas!