Öz muhbirimiz Abdulla Pamirning wetendin biweste bergen hewirige asaslanghanda, 1999 –yili 9 –ayning 3 – küni Qaraqash nahiye Saybagh yeza Ucha kentidiki altün kanda ishlewetqan 2 neper Uyghur ishchi, bu kangha tekshürüshke kelgen Hitay saqchiliri teripidin, "Oghriliqche altün qazding digen bednam bilen tutiwelip qattiq urup qiynighan, netijide bu 2 neper Uyghur tayaq destidin neq meydanda jan üzgen. Bu ishchilarning birsi – Qaraqash nahiye Saybagh yeza Yumulaq Sachqan kentidin Abdulla Heyt, yene birsi – Qaraqash nahiye Qocha yeza Oy Eriq kentidin Ghoja Abdulla Tohtidin ibaret. Sherkiy Türkistanning heddi- hisapsiz yer asti, yer üsti bayliqi Hitay mustemlikichiliri teripidin eghir derijide talan- taraj we bulang- talang qiliniwatqan we bu seweptin Sherqiy Türkistan helqi " altun tawaqliq tilemchi"ge aylinip qalghan bügünki künde, özining ana tupriqidiki altunni qazghan 2 neper Uyghurning"oghriliqche altun qazding" dep urup öltürilishi – insanliq alimide hech körülüp baqmighan zor bir pajiedin ibaret! Eger "Oghri "diyishke toghra kelse, u chaghda heqiqi oghri – Sherqiy Türkistan`ning pütün bayliqini yerlik helqning iradisige hilap halda talan- taraj qiliwatqan ene shu Hitay mustemlikichiliridin ibaret, halas! |